Comments Add Comment

डा. महतलार्इ लक्षित गरी एम्बुस विस्फोट, ‘भाग्य’ले जोगिए पूर्वअर्थमन्त्री

 १ मंसिर, नुवाकोट । पूर्वअर्थमन्त्री एवं नुवाकोट क्षेत्र नम्बर १ का कांग्रेस उम्मेदवार डा. रामशरण महतलाई लक्षित गरी शक्तिशाली एम्बुस विष्फोट भएको छ ।

बिष्फोटमा परी ५ जना कांग्रेस कार्यकर्ता घाइते भएका छन् । उनीहरूमध्ये ३ जनालार्इ हेलिकोप्टरमार्फत काठमाडौं ल्याइएको छ भने समान्य घाइते २ जनाको स्थानीय अस्पतालमै उपचार गरिएको प्रमुख जिल्ला अधिकारी जगदिशराज बरालले बताए ।

कांग्रेस उम्मेदवार महत ककनी-७,चतुरालेमा चुनावीसभालार्इ सम्बोधन गर्न प्रदेशसभाका उम्मेदवारसहित गाडीमा जाँदै थिए ।

तर, ककनी–५, काउलेथामा भन्ने स्थानमा एम्बुसमा परे ।

घटनाका प्रत्यक्षदर्शी नुवाकोटबाट प्रदेशसभा सदस्यका उम्मेदवार रमेशकुमार महतले अनलाइनखबरले भने, ‘काउलेथामा पुगेपछि हामी चढेको गाडीलाई लक्षित गरी बम विष्फोट भयो । डा. सा’बको गाडी सबैभन्दा अगाडी भएकाले थोरैले बच्यो ।’

बम विस्फोटमा परेको गाडी उत्तानो परेर पल्टिएको छ भने सडकमा ठूलो खाल्डो भएको छ । ‘सडकमा ठूलो खाल्डो भएको छ । एम्बुस नै विस्फोट गराइएको अनुसन्धानबाट खुलेको छ’ प्रजिअ बरालले भनेका छन् ।

घटनापछि सुरक्षा व्यवस्था कडा पारिएको छ ।

विपक्षीमाथि शंका छः महत

विस्फोटमा जोगिएका कांग्रेस नेता महतले घटनामा विपक्षीको संलग्नता हुन सक्ने आशंका व्यक्त गरेका छन् । ‘चुनावमा जित्न लाग्यो भनेर विपक्षीले एम्बुस राखेको हुन सक्छ’, डा. महतले अनलाइनखबरसँग भने, ‘बढ्दो जनसमर्थनबाट विपक्षीहरु आत्तिएका छन् ।’

नुवाकोट १ मा वाम गठबन्धनको तर्फबाट माओवादी नेता हितबहादुर तामाङ चुनावी मैदानमा छन् ।

माओवादी हत्या हिंसाको राजनीतिबाट आएको भन्दै महतले निर्वाचन बिथोल्न सक्रिय रहेको विप्लव समूहभन्दा विपक्षीतिरै बढी आशंका लागेको बताए । महतले भने, ‘यो आमसभामा जान नपाओस् भन्नेहरुले गराएको आक्रमण हो ।’

उनले सत्यतथ्य छानबिन गरेर दोषीलाई कडा कारबाही गर्न सरकारसँग माग गरे ।

‘थोरैले बच्यो महतको गाडी’

रमेश महत, नुवाकोट, प्रदेशसभा उम्मेदवार

ककनी–७,चतुरालेमा चुनावीसभा थियो । त्यसलाई सम्बोधन गर्न डा. रामशरण महतसहितको टोली त्यसतर्फ जाँदै थियो । उहाँको गाडी सबैभन्दा अगाडी थियो ।

पछाडि लस्करै तीन वटा गाडी थिए । डा. सा’बको गाडी र पछाडिको गाडीबीच डेढ सय मिटर जतिको दुरी थियो । उहाँको गाडी थोरैले बच्यो ।

काउलेथामा पुगेपछि हामी चढेको गाडीलाई लक्षित गरी बम विष्फोट भयो, ठूलो आवाजसहित । विष्फोटपछि गाडी उत्तानो परेर पल्टियो ।

पछाडिको गाडीमा रहेका हामी विष्फोट लगत्तै गाडीबाट निस्कियौं । दुर्घटना गाडीमा हेर्दा ५ जना घाइते थिए । अहिले उनीहरुलाई थप उपचारका लागि हेलिकोप्टरमार्फत काठमाडौंको ग्राण्डी अस्पतालमा ल्याउने तयारी भइरहेको छ ।

यो पनि पढ्नुस् 

कांग्रेस नेता रामशरण महतलाई लक्षित गरी नुवाकोटमा बम विष्फोट

रोल्पामा सभामुख अोनसरी घर्ती चढेको गाडीलार्इ लक्षित गरी बम प्रहार

यो खबर पढेर तपाईलाई कस्तो महसुस भयो ?

ट्रेन्डिङ

Advertisment