२ पुस, काठमाडौं । ठगी मुद्दामा फरार रहेका दुई जना प्रतिवादी पक्राउ परेका छन् । पक्राउ पर्नेमा काठमाडौंको कीर्तिपुरका ३७ वर्षीय सुरज विष्ट र विष्णु गाविस–४ का ३६ वर्षीय सुनिता खड्का विष्ट छन् ।
जिल्ला अदालतको २०७३ चैत ११ गतेको फैसलाले उनीहरुलाई ठगी मुद्दामा १ वर्ष कैदसहित ६७ लाख १६ हजार रुपैयाँ जरिवना सजाय तोकेको थियो ।
उनीहरुलाई सीआइबीले आइतबार पक्राउ गरी ललितपुर जिल्ला अदालतमा पेश गरेको छ । र, अहिले विष्टलाई कारागार कार्यालय, नख्खु र खड्कालाई केन्द्रीय कारागार कार्यालय, जगन्नाथदेवल पठाइएको छ ।
उनीहरुले दुई वटा सहकारी संस्था मर्ज गरेको भन्दै २ सय ८ जना सर्वसाधारणको जम्मा भएको निक्षेप रकम फिर्ता नगरी ठगी गरेका थिए ।
