११ पुस, काठमाडौं । नेकपा एमालेका अध्यक्ष र माओवादी अध्यक्ष प्रचण्डवीच पार्टी एकता लगायतका विषयमा बुधबार छलफल हुने भएको छ ।
माओवादी अध्यक्ष प्रचण्ड चितवनबाट मंगलबार अपरान्ह काठमाडौं आएका छन् । राजधानी आएपछि प्रचण्ड र ओलीवीच टेलिफोन सम्वाद भएको छ । बुधबार प्रत्यक्ष भेटघाट गरेर अवरुद्ध राजनीति एवं पार्टी एकतालाई गति दिनेबारे छलफल गरिने माओवादीका एक नेताले बताए ।
गत शुक्रबार चितवन गएका प्रचण्ड केही जिल्लाहरुको भ्रमण गरेर ५ दिनपछि राजधानी फर्केका हुन् ।
यसवीचमा पार्टी एकता संयोजन समितिको बैठक बस्ने भनिए पनि बस्न सकेको छैन ।
प्रचण्ड र ओलीवीचको भेटवार्तापछि एकता संयोजन समितिको बैठक बस्ने र एकता प्रक्रिया अघि बढाइने स्रोतले अनलाइनखबरलाई बतायो ।
