आइतबार, १० असार, २०७५
Ruslan
OnlineKhabar.com
Suzuki

प्रचण्ड परिवारसँग सम्बन्ध सुधार्दै राष्ट्रपति भण्डारी

'शीतलनिवास डिनर' को राजनीतिक निहीतार्थ

Suzuki
अनलाइनखबर

२९ पुस, काठमाडौं । पुष्पकमल दाहाल प्रचण्ड एमाले-माओवादी मिलेर बन्ने एकीकृत पार्टीको अध्यक्ष बन्ने चर्चा भइरहेकै बेला राष्ट्रपति विद्यादेवी भण्डारीले प्रचण्ड परिवारसँग अनौपचारिक सम्बन्ध बढाएकी छिन् । यसैक्रममा राष्ट्रपतिले शुक्रबार साँझ शीतलनिवासमा प्रचण्ड परिवारलाई डिनरका लागि निम्त्याइन् ।

राष्ट्रपति भण्डारीको निम्तो मान्न माओवादी अध्यक्ष प्रचण्ड, पत्नी सीता दाहाल र भरतपुर महानगरपालिकाकी मेयर रेणु दाहालका साथै कञ्चनपुरकी सांसद वीना मगरसमेत उपस्थित थिए । रेणु प्रचण्डकी छोरी हुन् भने वीना बुहारी हुन् ।

शीतलनिवासको डिनरमा प्रचण्डका नाति र नातिनाका साथै ज्वाइँहरु पनि सहभागी थिए । स्व. प्रकाश दाहालका छोराहरु प्रणव र प्रशिद्ध दाहालका साथै रेणु दाहालका पति अर्जुन पाठक पनि सपरिवार शीतलनिवास पुगे । कान्छी छोरी गंगा दाहाल र ज्वाइँ जीवन आचार्य पनि सपरिवार उपस्थित भए ।

शुक्रबार दिउँसो म्याग्दीको बेनी पुगेका प्रचण्ड त्यहाँबाट फर्केलगत्तै साँझमा शीतलनिवास पुगेका हुन् । राष्ट्रपति विद्यादेवी भण्डारीसँग प्रचण्ड परिवारले राति अबेरसम्म जमघट गरेको स्रोतले बतायो ।

‘यो एउटा विशुद्ध पारिवारिक भेटघाट हो,’ भरतपुरकी मेयर रेणु दाहालले अनलाइनखबरसँग भनिन्-‘उहाँले डिनरका लागि निम्तो दिनुभएको थियो, त्यसैले हामी सपरिवार गएका हौं ।’

सीता दाहाललाई राष्ट्रपतिको सहानुभूति

त्यसो त राष्ट्रपति विद्यादेवी भण्डारीले प्रचण्डको सिंगै परिवारलाई डिनरमा बोलाउनुको अर्को भावनात्मक कारण सीता दाहाल पनि हुन् ।
यसअघि पुत्रवियोग परेकी दाहाललाई राष्ट्रपतिले लाजिम्पाटमा पुगेर दुई सहानुभूति दिएकी थिएन् ।  पतिवियोग पर्दा पनि आफू सम्हालिएको प्रशंग सुनाउँदै त्यसबेला राष्ट्रपतिले सीता दाहाललाई सम्हालिन भनेकी थिइन् । त्यहीँदेखि राष्ट्रपति र प्रचण्ड परिवारवीच भावनात्मक सम्बन्ध बढेको स्रोत बताउँछ ।

यसैवीच प्रचण्डपत्नी सीता दाहाल आफ्नो नियमित स्वास्थ्य जाँचका लागि आइतबार दिल्ली जाँदैछिन् । विगत लामो समयदेखि नियमित चेकजाँच गर्ने गरिएको अस्पतालमा फलोअपका लागि उनी जान लागेको पारिवारिक स्रोतले जनायो ।

विद्या-प्रचण्ड राजनीतिक सहकार्य

त्यसो त पछिल्लो समयमा प्रचण्ड र राष्ट्रपतिवीच राजनीतिक क्षेत्रमा पनि ‘लाइन’ मिल्न थालेको चर्चा छ । राष्ट्रियसभा सम्बन्धी अध्यादेशको गाँठो फुकाउने सवालमा प्रचण्डले राष्ट्रपतिलाई सहयोग पुर्‍याएको चर्चा राजनीतिक बजारमा अझै सेलाएको छैन ।

यसका साथै माओवादी र एमालेलाई आफसमा मिलाउने र पार्टी एकता गराउने विषयमा पनि गत दशैंदेखि नै राष्ट्रपति भण्डारीले भित्रीरुपमा भूमिका निभाउँदै आएकी छिन् ।

 

एमाले र कांग्रेसको वीचमा दूरी बढेका बेला प्रचण्डले मध्यस्थ भूमिका खेल्ने गरेका कारण कतिपय संवैधानिक गाँठोहरु फुकाउन राष्ट्रपतिले प्रचण्डसँग छलफल गर्दै आएकी छिन् ।

राजनीतिक निहीतार्थ
प्रचण्ड परिवारसँग राष्ट्रपति विद्यादेवी भण्डारीको निकटता केवल भावनात्मक एवं संवैधानिक गाँठो फुकाउने विषयमा मात्रै सीमित छैन । र, यो सम्बन्ध वाम एकतालाई निश्कर्षमा पुर्‍याउने उद्देश्यसँग मात्रै पनि सीमित छैन ।

सूत्रहरुका अनुसार राष्ट्रपति विद्यादेवी भण्डारीले आफूलाई भावी अर्को कार्यकालको राष्ट्रपतिका रुपमा पनि दोहोर्‍याउन चाहेकी छिन् । र, यसका लागि उनले प्रचण्डको विश्वास जित्न चाहेकी छिन् ।

एमालेबाट राष्ट्रपतिका रुपमा झलनाथ खनालको पनि नाम आउने गरेको छ । कतिपयले सुवास नेम्वाङको पनि नाम लिने गरेका छन् । तर, एमाले निकट सूत्रहरुको दाबीअनुसार राष्ट्रपति भण्डारी प्रचण्डलाई समेत कन्भिन्स गरेर आफ्नो निरन्तरता सुनिश्चित गर्न चाहन्छिन् ।

२०७४ पुष २९ गते १३:२५ मा प्रकाशित (२०७४ पुष ३० गते ९:०७मा अद्यावधिक गरिएको)
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

३ प्रतिकृयाहरू प्राप्त
  • Mabodi Commander लेख्नुहुन्छ    |   २०७४ पुष २९ गते १३:४७

    aba vana milchha hasno aayeko manchheee

    0
    0
    Share

  • Khamma Singh Darlami लेख्नुहुन्छ    |   २०७४ पुष २९ गते १४:२९

    Good news
    But, upcoming President must be from our Janajati Background : Suvash Newang, or Prithi Subba, Kul Bahadur Gurung of NC
    We, Janjati have been waited for long

    9
    23
    Share

  • Karki लेख्नुहुन्छ    |   २०७४ पुष ३० गते ०:३८

    रास्ट्रपतिमा बिद्या दोहोरिनु दुर्भाग्य हुनेछ…सत्ता को उन्माद कति हुदो रहेछ भन्ने जान्न रास्ट्रपति फेरि दोहारिनु खोज्नु ले देखाउछ…तेत्र त्याग गरेका अरु नि मानिस छन्..यौटै मान्छे दोहोरिनु कदापी स्वीकार्य छैन…फेरि क क न सफल रास्ट्रपति पनि होइन…बिना भूमिकाको यस्तो रास्ट्रपति पदमा यौटै लाइ दोहोराउनु हुन्न…नेम्बंग ठिक छन् यसको लागि..हुन त उनि नि धेरै सोभिदा पाएको मानिस हुन्..३- ३ पटक त सभामुख नै भए..नजित्ने चुनाब मा उठाएको थियो एमाले ले रामप्रित पासवान लाइ…उनी लै उठाउन ठिक हुन्छ..एमाले को मधेश बिरोधि छबि सुधार्न नि सहयोग पुग्छ..

    1
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this