बुधबार, ३ माघ, २०७४
OnlineKhabar.com

मनाङलाई हराउँदै आर्मी खप्तड गोल्डकपको फाइनलमा

अनलाइनखबर

२९ पुस, कैलाली । साविकको विजेता मनाङ् मस्र्याङ्दी क्लबलाई हराएर त्रिभुवन आर्मी क्लब सुदूरपश्चिम खप्तड गोल्डकपको फाइनलमा प्रवेश गरेको छ ।

शनिबार भएको सेमिफाइनल खेलमा आर्मीले मनाङलाई ३-१ गोल अन्तरले स्तब्ध पार्‍यो ।

क्षेत्रीय रङ्गशालामा भएको खेलमा अग्रता भने मनाङले नै लिएको थियो । नवौं मिनेटमा हेमन गुरुङले अग्रता दिलाए पनि मनाङ मस्र्याङ्दीले धेरै बेरसम्म जोगाउन सकेन ।

२३ औं मिनेटमा आर्मीका जितमा कप्तान भरत खवासले बराबरी गोल फर्काए भने ४५ औं मिनेटमा नवयुग श्रेष्ठले गोल गर्दै टोलीलाई पहिलो हाफमा २-१ को अग्रता दिलाए ।

खेलको ८८ औं मिनेटमा सन्तोष तामाङले गोल गर्दै आर्मीको जित सुनिश्चित गरे । नवयुग श्रेष्ठ म्यान अफ द म्याच बने ।

मनाङले सुरुवाती अग्रता लिए पनि खेलाडीहरुको परिश्रमका कारण उपाधि होडमा पुग्न सफल भएको आर्मीका प्रशिक्षक नविन न्यौपानेले बताए ।

मनाङका प्रशिक्षक छिरिङ लोप्साङले आयोजकको कमी कमजोरीका कारण आर्मीसँग पराजित हुनु परेको बताए । मनाङले २४ घन्टाभित्र दुई खेल खेल्नु परेको थियो ।

आर्मीले उपाधिका लागि आइतवार हुने सेमिफाइनल खेलको विजेताको सामना गर्नु पर्नेछ । फाइनल प्रवेशका लागि आइतबार एपीएफ र आयोजक सुदूरपश्चिम-११ बीच खेल हुनेछ ।

२०७४ पुष २९ गते १८:२८ मा प्रकाशित (२०७४ पुष ३० गते १५:१२मा अद्यावधिक गरिएको)

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this