५ माघ, काठमाडौं । बालिकालाई जबरजस्ती करणी गरेको आरोपमा प्रहरीले एक जनालाई पक्राउ गरेको छ ।
ललितपुरको चापागाउँ बस्दै आएका २४ वर्षीय युवकलाई महानगरीय प्रहरी वृत्त, बालाजुले बिहीबार पक्राउ गरेको हो । माघे संक्रान्तिको वेला आएका उनले १३ वर्षीया बालिकामाथि जबरजस्ती करणी गरेको उजुरी परेको छ ।
काठोमा कोही नभएको अवस्थामा जबरजस्ती करणी गरेको पीडितको बयानपछि आरोपित युवकलाई पक्राउ गरिएको वृतका प्रमुख डीएसपी विश्वदिप खड्काले बताए ।
अनुसन्धानमा संलग्न अधिकारीहरुका अनुसार पीडित बालिकाले यसअघि पनि जबरजस्ती गरेको बयान दिएकी छिन् ।
जिल्ला अदालत काठमाडौंबाट म्याद थप गरी अनुसन्धान सुरु गरिएको प्रहरीले जनाएको छ ।