यतिबेला नर्सहरु आन्दोलित छन् । सेवा सुविधा अपुग भएको भन्दै उनीहरु आन्दोलित भइरहेकै अवस्थामा डाक्टर भोला रिजालले गीत लेखेका छन्, नर्समै सर्मपण गरेर । डा. रिजालले गीत लेखनमा पनि कलम चलाउँदै आएका छन् ।
उनको गीति एल्बम हो, धनधन्या । ५६ औं नर्सिङ दिवसको अवसर पारेर यो एल्बम बजारमा ल्याएको हो । नर्सिङ क्षेत्रमा आवद्ध भई जनताको सेवामा २४ सै घण्टा समर्पित हुने पेसा भन्दै रिजालले नर्सिङ दिवसको अवसर पारेर गिती एल्बम बाहिर ल्याएको बताएका छन् ।
डा. रिजालले उक्त गीत मार्फत नर्सहरुको बोली, व्यवहार तथा उनीहरुले दिने सेवा, श्रद्वा स्नेह जस्ता विषय समेटेका छन् ।
यसमा मनोहर सुनामको रहेकोमा स्वर प्रकाश श्रेष्ठ र संगिता रानाको रहेको छ ।
गीत यस्तो छ-
निष्काम भाव कर्मयोगी अमृतझै
बोली
जीवन अनि जगतको दिन्छौ
ढोका खोली ।
धन्यधन्य स्वास्थ्य सेविका
स्वास्थ्य परिचारिका
श्रद्वा स्नेह तिमीलाई ह्दयभरिका ।
नयनबाट बर्सिरहेको करुणाको धारा
जन्म लियौं निभाउन पुण्य
अभिभारा छचल्किन्छ आँखाबाट नित्य
सेवाभाव
प्रभातमा रमाउँदै भन्छ्यौ सु प्रभात ।
निशाचरीसरि बित्छ तिम्रो
जिन्दगानी
जीवनमृत्यु सँंघारमा तिमी
संजिवनी
दुःखलाई शुख ठान्ने धर्म
परायणी
सेवा, दया, करुणा र ममताकी खानी ।
धन्यधन्य स्वास्थ्य सेविका
स्वास्थ्य परिचारिका
श्रद्वा स्नेह तिमीलाई ह्दयभरिका ।
प्रतिक्रिया 4