१९ माघ, काठमाडौं । दुई दिने भ्रमणका लागि बिहीबार नेपाल आएकी भारतीय विदेशमन्त्री सुष्मा स्वराजको भ्रमणलाई लिएर सोसियल मिडियामा निकै रोचक टिप्पणीहरु आएका छन् ।
नेकपा एमालेका अध्यक्ष केपी शर्मा ओलीको ‘निम्तो’ मा उनको भ्रमण भएको भन्दै सामाजिक सञ्जालमा यो भ्रमणले रोचक चर्चा पाएको छ । कतिपयले सुष्माको भ्रमणपछि ‘एमालेको राष्ट्रवाद छर्लङ्ग भएको’ भन्दै ब्यंग्य गरेका छन् । सुष्मा स्वराजको भ्रमणबारे सामाजिक सञ्जालमा प्रमुख दलका केही नेताहरुसमेत बहसमा उत्रिएका छन् ।
कसले के भने ?
एमाले नेतृ रामकुमारी झाँक्रीले सुष्मा स्वराजले आफू आएपछि नयाँ सरकार बन्यो भन्ने सन्देश दिन खोजेको बताएकी छन् ।
उनले ट्विटरमा लेखेकी छन्-
मेडम आएर सरकार बन्यो भन्ने मेसेज दिन खोज्या होलान?
सम्बन्ध सुधार गर्न त नेपाली किसानका उत्पादनहरू: अदुवा/अलैचीलाई पनि यहाँ नेपालमा गाडी/साडी मात्र होईन काउली/मटरकोसा,लसुन/प्याज आउन दिए जस्तै यताबाट पनि जान दिन पर्यो नी।#Hello_Sarkar यो विषयमा ध्यान जाओस।— Ram kumari Jhakri (@Jhakri_didi) February 1, 2018
नेकपा माओवादी केन्द्रका नेता रामदीप आचार्यले सांकेतिक रुपमा सुष्मा स्वराजको कोशेलीले नेपालीको राष्ट्रवाद धरापमा पर्ने हो कि भन्ने टिप्पणी गरेका छन् ।
उनले ट्विटरमा लेखेका छन् ः
दिदीले के कोसेली ल्याइछन्?
1 कतै हाम्रो राष्ट्रवाद धरापमा पर्छ कि ?
2 कतै बृहत कम्युनिष्ट एकता सिद्धान्त नमिलेर तुहिन्छ कि ?— Ramdip Acharya (@RamdipAcharya) February 2, 2018
नयाँ शक्ति पार्टी नेपालका नेता डम्बर खतिवडाले केपी शर्मा ओलीले भारतीय विदेश मन्त्रीलाई नेपाल बोलाउनै नमिल्ने टिप्पणी ट्विटरमार्फत गरेका छन् ।
उनले लेखेका छन् :
सुष्मा स्वराज बिजेपी नेताको रुपमा आएकी हुनभने भिन्नै कुरा, भारतीय बिदेशमन्त्रीका रुपमा ओली प्रधानमन्त्री नहुँदै,ओलीको निमन्त्रणमा तरिका मिलेजस्तो लागेन । एमालेको एकल बहुमत भएको भए, ‘वेटिङ प्राइम्’ भन्न मिल्थ्यो, गठबन्धनले भावी प्रम घोषणा गरेको थियो र ?
— dambar khatiwoda (@dambarkhatiwoda) February 1, 2018
राप्रपाका नेता तथा पीके क्याम्पसका प्राध्यापक जयन्तनाथ खनालले केपी ओलीले एकल बहुमतद्वारा रात्रीभोज दिनु र शेरबहादुर देउवा नेतृत्वको सरकारले जथाभावी निर्णय गर्नु उस्तै भएको टिप्पणी गरेका छन् ।
उनले ट्विटरमा लेखेका छन् :
lame duckकोअवस्थामा रहेका देउवा दुई तिहाइले जितेका जस्तो निर्णय गरिरहेका छन्!Waiting PM रहेका ओली पनि बाम एकीकरण या एकल बहुमतद्वारा राज्याभिषेक गरिसके जस्तो छिमेकी बिदेश मन्त्री लाई रात्रीभोज दिन भ्याइसके!वास्तवमा नेपालको संसदीयअभ्यासबाट बेलायत र अमेरिकाले अझै धेरै सिक्न बाकी रछ!
— Jayant Nath Khanal (@jayant_n_khanal) February 1, 2018
केपी शर्मा ओली प्रधानमन्त्री हुँदाका अन्तर्राष्ट्रिय मामिला विज्ञ गोपाल खनालले संविधान जारी हुने बेलामा भारतीय विदेशसचिव एस जयशंकर आउँदा पनि संविधान जारी भएजस्तै अहिले पनि केही नहुने टिप्पणी ट्विटरमार्फत गरेका छन् ।
उनले लेखेका छन् :
सुष्मा स्वराजको नेपाल भ्रमणको समय र एजेण्डामाथि प्रश्न उठ्नु स्वभाबिक छ । तर नेपालमा भारतले जे चाह्यो, त्यो मात्र हुन्छ भन्ने थिचिएको मनोविज्ञानबाट मुक्त हुनुपर्छ । मन्त्री भ्रमणमा आउँदैमा अत्तालिनु पर्दैन । जयशंकर २०७२ असोज १ मा आएकै हुन, संविधान त आयो ।
— gopal khanal (@gopalkhanal1) January 31, 2018
नयाँ शक्ति पार्टीका कृष्ण शर्माले सरकार नबन्दै ओलीले हतारो र चटारो गरेको भन्दै उनको राष्ट्रवादको घुम्टो खुल्दै जाने टिप्पणी गरेका छन्
उनले ट्विटरमा लेखेका छन् :
नया सरकार नबन्दै यो हतारो र चटारो ! अझै one to one वार्ता ! भारतको नेपाल प्रतिको परम्परागत सम्बन्ध र diplomacy निरंतरताका लागी नेपालमा नया जोगीको खोजी..? जाड़ों मौसममा चलेको दक्षिणी हावाको प्रभाव समयक्रममा उजागर हुदै जानेछ । अनी ‘ख़ोक़्रो राष्ट्रवाद’ को घुमटो पनी उघरदै जानेछ । pic.twitter.com/6dpjVVta59
— Krishna Sharma (@Krishna73189073) February 2, 2018
ट्विटरमा यादव देवकोटाले पनि केपी ओलीको राष्ट्रवादप्रति आशंका गर्दै उनले सुष्मा स्वराजलाई भेट गर्नु र रात्रीभोज दिनुको आधार प्रष्ट नभएकोक उल्लेख गरेका छन् ।
उनले लेखेका छन् :
एमाले आजको दिनमा सत्तामा छैन।उसले विदेशीहरुलाई राजनीतिक विषयमा कुरा गर्न कसरी बोलाउन मिल्छ ? एउटा राजनीतिक दलले विदेशी मन्त्रीलाई, प्रतिनिधिलाई कुन हैसियतमा, सम्बन्धमा, आधारमा भोज दिएको हो ? ओलीको राष्ट्रवादमा न हिजो विश्वास थियो न आज नै शंका बाँकी छ।
— Yadab Devkota (@gaunkomanchhey) February 1, 2018
केही दिनअघि भारतीय गणतन्त्र दिवसमा भारतीय दूतावासले आयोजना गरेको समारोहम नगएका केपी ओलीले सोल्टी होटलमा सुष्मा स्वराजलाई भेटेकोमा ट्विटरमा सिएन खड्काले प्रश्न उठाएका छन्
उनले लेखेका छन् :
भारतको गणतन्त्र दिवस समारोहमा भारतीय राजदुतावास नगएका केपी ओली महोदय सुषमा स्वराजलाई दर्शन गर्न आफ्नो तथाकथित स्वाभिमानलाई दराजमा थन्क्याएर लुसुलुसु सोल्टी होटल किन पसे ?
— C.N. Khadga (@CNkhadga) February 2, 2018
विश्लेषक जुगल भुर्तेलले सुष्मा स्वराजलाई कुबेलाको पाहुना भन्दै सरकार बनाउन भारतको सहयोग नचाहिने सन्देश को नेताले देला भनी प्रश्न उठाएका छन् ।
उनले भनेका छन् :
कुबेलाको पाहुना भए पनि सुष्मा स्वराजजीलाई नेपालमा स्वागत छ। ‘अब नेपालीहरूलाई एकआपसमा गफ गर्न, कुरा मिलाउन, सरकार बनाउन तपाईंको संदेश नचाहिने भएछ; नाकाबन्दीले त स्मार्ट पो बनाइदिएछ गाँठे’ भनेर मोदीजीलाई सुनाइदिनु होला (भनेर उनलाई कुन राष्ट्रवादी नेताले भन्ला?)
— Jugal Bhurtel (@JugalBhurtel) February 1, 2018
ट्विटरमा ओमकुमार थापाले सुष्मा स्वराजलाई सोल्टी होटलमा नै भेट्न गएर ओलीले भारतीय हेपाहा प्रवृत्तिलाई प्रोसाहन गरेको उल्लेख गरेका छन्
उनले लेखेका छन् :
भूपू प्रम,सबैभन्दा ठूलो पार्टीको अध्यक्ष र भावी प्रमको रूपमा हेरिएका एमाले अध्यक्ष केपी ओलीले भारतीय विदेश मन्त्री सुष्मा स्वराजलाई उनी बसेकै ठाँउमा भेट्न जानु भनेको कुटनैतिक मर्यादा विपरीत हो।साथै भारतको हेपाहा प्रवृतिलाई प्रोत्साहन गर्नु र आफ्नो हैसियत बुझ्न नसक्नु पनि हो।
— Om Kumar Thapa (@omthapaktm) February 1, 2018
ट्विटरमा मनिता घिमिरेले एमालेको राष्ट्रवादको मृत्यु भएको उल्लेख गरेकी छन् । एमालेको राष्ट्रवादको मृत्यु भएपछि उ आर्यघाट नभई सिंहदरबार पस्ने उनले टिप्पणी गरेकी छन्
उनले लेखेकी छन् :
एमालेकाे राष्ट्रवादकाे मृत्यु भएकाे छ । अब एमाले मलामी जान्छ । राष्ट्रवादकाे मलामी अार्यघाट जाँदैन । सिंहदरबार जान्छ । सिंहदरबार पस्नका लागि एमालेले राष्ट्रवादकाे नाटक देखाइरहेकाे थियाे ।
एमालेकाे नाटक सकियाे ।
— Manita Ghimire (@Manita_Ghimire) February 2, 2018
नेकपा माओवादी केन्द्रका नेता नारायणकाजी श्रेष्ठ प्रकाशले सुष्मा स्वराजको अहिलेको भ्रमण ब्यवहारिक, राजनीतिक र कुटनीतिक रुपमा उपयुक्त नभएको बताएका छन् ।
उनले लेखेका छन् : सामान्यता सुष्मा स्वराजको नेपाल भ्रमणको समय व्यवहारिक, राजनीतिक र कुटनीतिक रुपमा उपयुक्त छैन । यद्यपि उहाँलाई स्वागत छ, अनि उहाँको भ्रमणलाई उपलब्धीपूर्ण बनाउन प्रयास र कामना गर्छौं । तर, म फेरि दोहोर्याउँछु कि हामीले आफ्नो आत्मसम्मान कायम राख्नुपर्छ र राष्ट्रिय चाहनाप्रति केन्द्रित हुनुपर्छ ।
Generally,the timing of Sushma Sworaj´s current visit to Nepal is not acc to normal practice politically and diplomatically.however,we welcome her and wish&try to make the visit fruitful .but I must again repeat we must maintain our dignity and focus on national interest.
— NKShresthaPrakash (@nksthaprakash) February 2, 2018
