२१ माघ, जनकपुर । जनकपुर उपमहानगरपालिका १४ स्थित मुजेलियामा ट्रिपर दुर्घटना हुँदा २ जनाको मृत्यु भएको छ ।
ना ७ ख ३२२६ नम्बरको ट्रिपर गएराति दुर्घटना हुँदा त्यसका चालक र सहचालकको घटनास्थलमै मृत्यु भएको जिल्ला ट्राफिक प्रहरी कार्यालय धनुषाले जनाएको छ ।
मृत्यु हुनेमा चालक २५ वर्षीय उदय शर्मा र सहचालक २६ वर्षीय संजय पासवान रहेको प्रहरीले जनाएको छ ।
ढल्केबरबाट जनकपुरतर्फ गिट्टी लिएर आउँदै गरेको ट्रिपर तीव्र गतिको कारण अनियन्त्रित भई दुर्घटना भएको हो ।
सडक विस्तारको कार्य चलिरहेकाले सडकको माथिल्लो भागमा निर्माण सामग्रीहरु थुपारिएको कारण तीव्र गतीमा रहेको ट्रिपर दुर्घटना भएको अनुमान गरिएको छ ।
