२४ माघ, रौतहट । कांग्रेस नेता आफताब आलमलाई उनका समर्थकहरुले तेश्रो पटक सांसद भएको खुशीयालीमा लड्डु (मिठाई)ले तौलेका छन् ।
रौतहटको इशनाथ नगरपालिका-९ को परोहा डुमरीयामा नेता आलमलाई तराजुको एकतर्फ बसाएर अर्को तर्फ उनकै तौल बराबरको लड्डु राखिएको थियो ।
आलमलाई एकातर्फ राखेर अर्को तर्फ ७४ किलो लड्डु राखिएको उनका समर्थक बुनिलाल महतोले बताए ।
महतोले नै आलमलाई आˆनै घरको आँगनमा लड्डुसँगै जोखेका थिए । आलम पहिलो पटक ०५६ को उपनिर्वाचनमा विजयी भएका थिए ।
पहिलो संविधानसभामा पनि उनी विजयी भए । हालै सम्पन्न ०७४ को प्रतिनिधि सभाको निर्वाचनमा समेत क्षेत्र नम्बर २ बाट निर्वाचित भएका छन् ।
