२ फागुन, भक्तपुर । सल्लाघारीमा रहेको एनसेल टावरमा राखिएको प्रेसरकुकर ‘बम’ नेपाली सेनाको टोलीले निष्क्रिय बनाएको छ ।
गार्मेन्ट रहेको एक भवनको छतमा एनसेलको टावर थियो । त्यहीँ छतमा शंकास्पद वस्तु भेटिएपछि नेपाली सेनाको बम डिस्फोजल टोली पुगेको थियो ।
सेनाको टोलीले बोरामा प्याक गरिएको प्रेसरकुकर बरामद गरेको छ ।
यो भवनमा सुरक्षा गार्डहरु पनि छन् । तर, छतमा रहेको टावरसम्म पुगेर कसरी शंकास्पद वस्तु राख्यो भन्ने शंकास्पद रहेको प्रहरीले बताएको छ ।