४ फागुन, पोखरा । प्रदेश ४ मा एकै दिन दुई पटक मन्त्रिपरिषद विस्तार भएको छ । शुक्रबार साँझ ६ बजे माओवादी केन्द्रबाट २ जना मन्त्रीले सपथ लिएका छन् ।
तनहुँबाट निर्वाचित हरिबहादुर चुमनले आन्तरिक मामिला तथा कानुन मन्त्री र गोरखाका लेखबहादुर थापाले भूमि व्यवस्था, कृषि तथा सहकारी मन्त्रीको रुपमा सपथ लिएका हुन् ।
चुमान माओवादी केन्द्रका तनहुँ जिल्ला इन्चार्ज हुन् भने थापा माओवादीका गोरखा जिल्ला संयोजक हुन् ।
प्रदेश ४ मा शुक्रबार विहान मुख्यमन्त्री पृथ्वी सुब्बा गुरुङले मन्त्रिपरिषद विस्तार गरी एमालेका रामशरण बस्नेतलाई उद्योग, पर्यटन, वन तथा वातावरण मन्त्री बनाएका थिए ।
यो संगै प्रदेश ४ मा मन्त्रिपरिषद ४ सदस्यीय भएको छ ।