१३ फागुन, बुटवल । प्रदेशसभा ५ को आइतबार दिउँसो १ बजे डाकिएको बैठक स्थगित भएको छ ।
संसद विजनेसविहीन भएकाले बैठक स्थगित गरिएको संसद् सचिवालयका सचिव मानबहादुर बिकेले जानकारी दिए ।
अब संसद् बैठक यही फागुन २७ गते बस्ने उनलेे बताए । सरकारले संसद्लाई बिजनेस दिन नसकेपछि संसद् बैठक यति लामो समयसम्म स्थगित गर्नुपरेको उनको भनाइ छ ।
यसअघि फागुन ६ गते बसेको बैठकले प्रदेशसभा सञ्चालन नियमावली बनाउन समिति गठन गरेको थियो । सो समितिलाई १५ दिनको म्याद दिइएको थियो ।
फागुन ६ गतेको संसद बैठकले फागुन १३ गतेका लागि बैठक डाकेको थियो । तर संसद सचिवालयमा सूचना टाँसेर बैठक स्थगितको जानकारी दिइएको छ ।
