२३ फागुन, सुर्खेत । कर्णालीका गृह (आन्तरिक मामिला तथा कानून) मन्त्री नरेश भण्डारी आफैले ट्राफिक नियम नमान्ने सवारीसाधनलाई कारबाही सुरु गरेका छन् ।
मन्त्री भण्डारीले बुधबार पश्चिम सुर्खेतका ग्रामीण सडक र त्यहाँ सञ्चालन हुने सवारीसाधनको अनुगमन गरी केही सवारीसाधनलाई कारबाही गरेका हुन् ।
सुरक्षा निकायका प्रमुखसहित अनगुमनमा त्यहाँ पुगेका मन्त्री भण्डारीसहितको टोलीले ट्राफिक नियम पालना नगर्ने सवारीसाधनलाई कारबाही गरेको छ ।
बराहताल गाउँपालिकामा संचालित मध्यपश्चिम बस व्यवसायी संघको भे१ख १७१२ मध्यपश्चिम जीत व्यवसायी संघको भे१ज ९३७ को गाडीलाई कारबाही गरिएको हो ।
कच्चि बाटोमा हुटभरी मान्छे राखेर संचालनमा आएको पाइएपछि मन्त्रीसँगै अनुगमनमा पुगेको ट्राफिक प्रहरीले कारबाही गरेको हो ।
कर्णाली प्रदेशमा ‘सडक सुरक्षा’ कार्यक्रम संचालन भएपछि मन्त्री भण्डारी सडकको अनुगमन गर्न गाउँ निस्किएका हुन् ।
यस्तै बुधबार नै मन्त्री भण्डारीले अनुगमनका साथै बराहताल गाउँपालिकाको तरंगमा अस्थायी प्रहरी चौकीको उद्घाटन गरेका छन् ।
मन्त्रीको टोलीले बराहताल गाउँपालिकाका बाढीपीडित वस्तीको समेत अनुगमन गरेको छ ।
