९ चैत, काठमडाैं । काठमाडौंको बालकुमारीस्थित झोलुङ्गे पुलमा बिहीबार राति भएको सवारी दुर्घटनामा १ जनाको मृत्यु भएको छ ।
मृत्यु हुनेमा स५प ३६२० नम्बरका मोटरसाइकल चालक भक्तपुर चारदोबाटो बस्ने सिराहा लहानका १८ वर्षीय अभिषेक चौधरी रहेका छन् ।
उनको उपचारको क्रममा काठमाडौं मेडिकल कलेज सिनामंगलमा मृत्यु भएको हो । बिहीबार राति ७ बजे चौधरीले चलाएको मोटरसाइकलले बा४३प ८३१४ नम्बरको मोटरसाइकललाई ठक्कर दिएको थियो ।
८३१४ नम्बरको मोटरसाइकल पुनः बा८०प ४९९३ नम्बरको मोटरसाइकलमा ठोक्किन पुगेको थियो । दुर्घटनामा संलग्न तीनै वटा सवारी साधनलाई महानगरीय प्रहरी प्रभाग कोटेश्वरले नियन्त्रणमा लिएको छ ।
