११ चैत, काठमाडौं । ‘बल टेम्परिङ’ विवादमा फसेपछि अष्ट्रेलियाका कप्तान स्टिभ स्मिथ र उपकप्तान डेभिड वार्नरले राजीनामा दिएका छन् ।
दक्षिण अफ्रिकाविरुद्ध केपटाउनमा भएको तेस्रो टेस्टका क्रममा अष्ट्रेलियाका ओपनर क्यामरुन बेनक्राफ्टले बल टेम्परिङ गरेका थिए । त्यसको पूर्व जानकारी कप्तानसहित लिडरसिप टिमलाई रहेको स्मिथले बताएका छन् ।
यसबारे क्रिकेट अष्ट्रेलियाले अनुसन्धान थालेको छ ।
क्रिकेट अष्ट्रेलियाका सीईओ जेम्स सदरल्याण्डले भनेका छन्, ‘छलफलमा स्मिथ र वार्नर कप्तान र उपकप्तानको जिम्मेवारी त्याग्न तयार भएका छन् ।’
टिम पेनलाई अन्तरिम कप्तान बनाइएको छ ।