पाँच वर्षभित्र विराटनगरका सबै सडक कालोपत्रे हुने

१३ चैत, विराटनगर । विराटनगर महानगरपालिकाले नगर क्षेत्र भित्रका सम्पूर्ण सडक कालोपत्रे गर्ने योजनासहित काम सुरु गरेको छ ।

नगर क्षेत्रमा रहेका कुल ७०० किलोमिटिर सडक मध्ये दुई वर्षभित्र २०० किलोमिटर सडक कालोपत्रे गर्ने लक्ष्य महानगरपालिकाको छ ।

महानगर क्षेत्रमा अहिले १५६ किलोमिटर कालोपत्रे, ३६० किलोमिटर ग्राभेल र २०० किलोमिटर सडक कच्ची सडक रहेका छन् । जसमा यसै आर्थिक वर्षबाट दुई वर्षभित्र सक्ने गरी २०० किलोमिटर सडककको काम सुरु भउको छ ।

बाँकी सडक अवको पाँच वर्षभित्र कालोपत्रे गर्ने महानगरपालिकाले लक्ष्य लिएको छ । जसमा अब निर्माण हुने सडक कालोपत्रेसगै ढल र नालाको निर्माणपनि गरिनेछ ।

सडक, ढल र नाला निर्माणका लागि तीनवटा परियोजना

विराटनगर महानगरपालिकाले तीन ठूला आयोजनामार्फत यही वर्षदेखि नगर क्षेत्रका २०० किलोमिटर सडक कालोपत्रे गर्ने काम सुरु गरेको छ ।

महानगरले २ वर्षभित्र कालोपत्रेको काम सम्पन्न गर्ने लक्ष्यका साथ सडक कालेपत्रे गर्ने काम अघि बढाएको हो ।

सहरी सघन विकास कार्यक्रम,साना तथा मझौला सहर वातवारण विकास परियोजना तथा क्षेत्रीय विकास परियोजना अन्र्तगत महानगरपालिका सयुक्त रुपमा विकास निमार्णका कामलाई अगाडि बढाएको हो ।

जसमा यसैवर्षदेखि पहिलो पल्ट ४० एमएमको एसफल्ट कंक्रिट प्रयोग गरी सडक कालोपत्रेको काम सुरु गरिएको छ ।

सघन शहरी विकास विकास कार्यक्रम अन्तर्गत रु ६२ करोड र साना तथा मझौला शहर वातावरणीय विकास परियोजना अन्तर्गत दुई अर्ब ९५ करोडको लागतमा सडक कालोपत्रे हुनेछ ।

त्यसैगरी २ अर्व ६२ करोडको लागतमा क्षेत्रीय विकास परियोजना अन्तर्गत नाला तथा सडक निर्माण कामपनि भइरहेको छ ।

आगामी दुई वर्षमा सम्पन्न गर्ने लक्ष्यका साथ कार्य भएको उक्त परियोजना अन्तर्गत ७१ किलोमिटर सडकमा कालोपत्रे, दुबैतर्फ नाला निर्माण गरिने छ ।

महानगरपालिकाका वरिष्ठ इन्जिनियर भरत न्यौपानेले सघन शहरी विकास विकास कार्यक्रम अन्तर्गत १४ वटा सडकको नालासहित १३ दशमलव पाँच किलोमिटर सडकको निर्माण कार्य सुरु गरिएकोमा अहिले काम धमाधम भइरहेको छ ।

वरिष्ठ इन्जिनियर न्यौपानेका अनुसार नगर क्षेत्रमा कालोपत्रे हुने सडक मध्ये १०० मिटर सडक ४० एमएमको एसफल्ट कंक्रिट  प्रयोगको मापदण्डमा सडक कालोपत्रे काम हुँदैछ ।

त्यसबाहेका १०० मिटर सडक भने ३० एमएमको प्रिमिक्स कार्पेटिङमार्फत सडक कालोपत्रे हुनेछ ।

१०० किलोमिटिर सडक कालोपत्रे हुने ४० एमएमको एसफल्ट कंक्रिट प्रयोगको मापदण्डको कालोपत्रेका लागिप्रति किलो मिटर ५० लाख लागत रहनेछ ।

महानगरपालिका भित्र तीन वर्षअघि पानीट्यांकीबाट पुष्पलालचोक जोड्ने साढे तीन किलोमिटिर सडक यसअघि ४० एमएमको एसफल्ट कंक्रिट प्रयोग गरी कालोपत्रे गरिएको थियो । यो प्रविधि गुणस्तरको हिसाबमा केही बलियो र टिकाउ मानिन्छ ।

सडक निर्माणमा प्राद्यकिरणको असहयोग

महानगरभित्र चौतर्फी भइरहेको सडक र ढल निर्माणको काममा विद्युतीय खम्बाले अवरोध पुर्‍याएको छ ।

विराटनगर महानगरका सरसफाइ तथा वातावरण शाखाका प्रमुख घनश्याम काˆलेले एकसाथ भइरहेको चौतर्फाी सडक र ढल निर्माणको कामले महानगर धूलाम्मे बनेको भएपनि समयम सडक र ढल निर्माणको योजनामा विद्युतीय खम्बाले अवरोध भएको बताए ।

महानगरले विद्युत् प्राधिकरण वितरण केन्द्र विराटनगरलाई पटकपटक खम्बा सारेर विकास निर्माणको काममा सहयोग गर्न आग्रह गरेपनि सुनुवाइ नगर्दा काममा अबरोध भएको उनले बताए ।

महानगरका इञ्जिनियर भरत न्यौपानेले भट्टाचोक-परोपकारघाट, पोखरीया त्रिवेणी मार्गदेखि परोपकारघाट, पुष्पमार्ग, राजबंशीचौक पश्चिम खार्जीमार्ग, कञ्चन केशलीयामार्ग, तीनपैनी-घोगा सडक कालोपत्रेको काम रोकिदै आएको छ ।

त्यसैगरी जानकी पथ, दरैहया सडक, धर्मबाँधलगायतका सडकमा भएको विद्युत् खम्बा सार्ने काम नहुँदा कालोपत्रेको काम अवरुद्ध भएको महानगरपालिका कार्यालयले जनाएको छ ।

विद्युत् खम्बा सार्ने प्रतिक्षामा महिना दिनअघिबाट कालोपत्रेको काम निर्माण कम्पनीले अगाडि बढाउन सकेको छैन ।

प्राधिरकण वितरण केन्ऽ विराटनगरका प्रमुख राजु श्रेष्ठले सडक निर्माण परियोजनाले नै विद्युत् खम्बा हटाउने काम गर्नुपर्ने र प्राधिकरणले लाइन काटिदिने प्राविधिक सहयोग मात्रै गर्ने बताए ।