शुक्रबारदेखि रिलिज भएको चलचित्र ‘लिलिबिली’का मुख्य नायक प्रदिप खड्का र नायिका जसिता गुरुङ आज शनिबार दर्शकलाई नयाँ बर्षको शुभकामना दिनका लागि विभिन्न हलमा पुगिरहेका छन् । उनीहरु, आज बिहान काठमाण्डौको अष्टनारायण हलमा ४ जना बडिगार्डसहित पुगेका थिए ।
काठमाण्डौको अष्टनारायण हलमा बिहानी शो सकिने वित्तिकै पुगेका नायक प्रदिप खड्का र नायिका जसिता गुरुङले दर्शकसँग सेल्फी खिचे । उनीहरुले दर्शकको मायाका लागि धन्यवाद समेत दिए । यो चलचित्र काठमाण्डौको अष्टनाराणको ठूलो हलमा हाउसफूल भएको छ । यस्तै, गोपिकृष्ण मुभिजको गोपि हलमा चलचित्र हाउसफूल भएको छ । 
मल्टिप्लेक्समा पनि चलचित्रको व्यापार सुखद छ । चलचित्रका शोहरुमा ६० देखि ८० प्रतिशतको अकुपेन्सी देखिएको थियो । निर्माता गोविन्द शाहीले देशभर नै चलचित्रको डिमाण्ड बढेको बताए । उनले, देशभरकै हलमा आज चलचित्रले राम्रो व्यापार गरिरहेको जानकारी दिए ।
शनिबार औषत ओपनिङ गरेको चलचित्रले आज शनिबार र नयाँ बर्षको दिन राम्रो कमाई गर्ने अपेक्षा गरिएको छ । हलमा ‘सत्रु गते, नेप्टे, बागी २’ लगायतका चलचित्र समेत हुँदा ‘लिलिबिली’लाई केहि समस्या भने परेको छ । 
