Comments Add Comment

प्रदेश १ मा एकै दिन पाँच बिधेयक पारित

२१ वैशाख, विराटनगर । प्रदेश १ का प्रदेश सभाले सोमबार एकै दिन पाँचवटा बिधेयक पारित गरेको छ ।

फास्ट ट्रयाकको माध्यमबाट प्रदेश सभाले ती बिधेयहरु सर्वसम्मतीले पास गरेको हो ।

एकै दिन छुटाछुटै पाँच पटक बैठक बसी महान्यायाधिवक्ताको काम कतव्र्य र अधिकार तथा सेवा सर्त सम्बन्धी बनेको बिधेयक पास गरेको थियो ।

त्यसैगरी मुख्यमन्त्री र मन्त्रीको पारिश्रमिक तथा सुबिधा सम्बन्धी बिधेयक, प्रदेश सभा पदाधिकारी तथा सदस्यको पारिश्रमिक तथा सुबिधा सम्बन्धी ब्यवस्था गर्न बनेको बिधेयक, गाँउ सभा तथा नगरसभा सदस्यहरुको सुविधा सम्बन्धी बनेको विधेयक र जिल्ला सभा र जिल्ला समन्वय समिति सदस्यहरुले पाउने सुविधा सम्बन्धमा ब्यवस्था गर्न बनेको विधेयक सर्वसम्वतले पारित गरेको हो ।

महान्यायाधिबक्ताको काम कतव्र्य र अधिकार तथा सेवा सर्त सम्बन्धी बनेको बिधेयक बाहेका अन्य कानून सोमवार नै सदनमा प्रस्तुत भइ फास्ट ट्रयाक मार्फत सर्बसम्मत पास गरिएको थियो ।

आन्तरिक मामिला तथा कानून मन्त्री हिक्मत कार्कीले चार वटै बिधेयक सोमवार सदनमा प्रस्तुत गरेका थिए ।

प्रदेश १ को प्रदेश सभा नियमावाली २०७४ को नियम ९६ देखि १ सय सम्मको सोमवारको बैठकको कारबाही सम्बन्धमा लागू नहुने गरी निलम्वन गरी टेबल भएका बिधेयक पास गरिएको थियो ।

बिधेयक टेबल भएको ७२ घण्टा संसोधनका लागि समय दिने ब्यवस्था भएपनि त्यसलाई विषेश अबस्थामा निलम्वन गर्न सकिने कानुनी प्राबधान रहेको छ ।

महान्यायाधिबक्ताको काम कतव्र्य र अधिकार तथा सेवा सर्त सम्बन्धी बनेको बिधेयक अघिल्लो प्रदेश सभाको बैठकमा टेवल भएको थियो ।

प्रदेश सभामा बिधेयक टेबल भएको ७२ घण्टा संसोधनका लागि समय दिने ब्यवस्था भएपनि त्यसलाई विषेश अबस्थामा निलम्वन गर्न प्रदेश सभाको सदस्य राजकुमार ओझाले प्रस्ताव पेश गरेका थिए ।

प्रस्तावलाई सांसद रामचन्द्र लिम्बु र मोहनकुमार खड्काले समर्थन गरेका थिए । प्रदेश १ ३८ औ वैठकले महत्वपूर्ण १२ वटा बिधेयक पारित गरेको छ ।

सोमबार मात्र एकै दिन पाँच वटा विधेक पारित भएका हुन् । पारित भएकामध्ये चार विधेयक प्रदेश प्रमुखबाट प्रमाणीकरण भइ ऐनका रुपमा आइसकेका छन् ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment