शुक्रबार, ११ जेठ, २०७५
Ruslan
OnlineKhabar.com
Suzuki

मदिरा सेवनकर्तालाई तीन पुस्ते खुलाउन लगाऔं

Suzuki


छिमेकी मुलुक भारत, पाकिस्तान लगायतमा मदिरा नियन्त्रित वस्तुमा पर्दछ । मदिराजन्य वस्तु जथाभावी बिक्री गर्न र खरिद गर्न पाइन्न । मदिरा खरिदकर्ताले ‘शराबीका नाम, शराबीका पिताका नाम, उम्र…’ लगायतको विवरण भर्नुपर्छ । मदिरा विक्री गर्ने पसलमा सिसी क्यामेरा जडान हुन्छ । सुरक्षा र चोरी नियन्त्रणका लागि मेशिनद्वारा शारीरिक जाँच गराएर मात्र मदिरा पसलभित्र छिर्न पाइन्छ र बाहिरिने अनुमति हुन्छ । यस्ता मदिरा पसल सिसाले बारिएका खुल्ला हुनुपर्छ । ती पसलले अनिवार्यरुपमा परिचयपत्र हेरेर मात्रै मदिरा बिक्री गर्न पाउँछन् ।

विदेशीले मदिरा खरिद गर्दा राहदानी प्रदर्शन गर्नुपर्छ । ती पसल राज्य नियन्त्रित हुन्छन् । यसर्थ आफूले मदिरा बिक्रीका लागि पाएको इजाजत सबैले देख्ने गरी झुण्ड्याउनु पर्छ । ती पसलले अनिवार्यरुपमा बिल बिजक जारी गर्नुपर्छ । यस्ता पसल तोकिएको समयमा खुल्छन्, तोकिएको समयमा बन्द हुन्छन् । निश्चित उमेर समूहका व्यक्तिलाई मात्र मदिरा पसलमा प्रवेश दिइन्छ । बिशेष अवस्थामा चिकित्सकले जारी गरेको शारीरिक तन्दुरुस्तीको प्रमाणपत्र प्रस्तुत गरेर मात्र मदिरा किन्न पाइन्छ । यसर्थ मदिरा नियन्त्रण गर्न इच्छा शक्ति भए पुग्छ । जनसमर्थन उर्लेर आउने अभिमत अघि सार्न चाहान्छु ।

गृह मन्त्रीको सकारात्मक चासो

यस पंक्तिकारसँग अछाम जिल्लामा २०५०/५१ सालमा प्रमुख जिल्ला अधिकारी हुँदा पूर्ण सफलताका साथ ‘मदिरामुक्त अछाम जिल्ला’ सञ्चालन गरेको अनुभव छ । सोही अनुभव समेतका आधारमा तयार भएको ‘रक्सीमा डुबेर समृद्धि आउँदैन, नेपाललाई मदिरामुक्त बनाऔँ !’ भन्ने मेरो लेख अनलाइनखबरमा गत २०७४ फागुन २४ गते प्रकाशित भयो । सो लेख स्वदेश र विदेशमा रहनु भएका लाखौँ नेपालीले पढ्नु भयो । ३८ हजारभन्दा बढीले शेयर गर्नुभयो । कैयौँले सो लेखको पक्षमा आफ्नो लिखित अभिमत नै अघि सार्नु भयो । कैयौं एफएमले सो लेख पढेर जनतालाई सुनाउनु भयो । जस्को प्रभावस्वरुप २०७५ वैशाख २३ गते वर्तमान गृहमन्त्री रामबहादुर थापा ‘बादल’ले यस पंक्तीकारलाई मदिरामुक्त नेपालका पक्षमा कार्यपत्र प्रस्तुती गर्न आमन्त्रण गर्नु भयो भने छलफलमा सहभागी हुन प्रतिनिधि सभाका सांसद, प्रदेशका मन्त्री, महिला सञ्जालका नेतृत्व र गृह सचिव लगायत उच्च पदाधिकारीलाई डाक्नु भयो । छलफलमा प्रायः सबैले मदिरामुक्त नेपालको प्रस्तावको मुक्तकण्ठले प्रशंसा गर्नु भएको थियो । यसका लागि मन्त्री बादल स्वतः धन्यवादका पात्र हुनुहुन्छ । साथै उहाँले १५ दिनभित्र यस सम्बन्धमा सुझाव दिन कमिटी नै गठन गरेको जान्न पाउदा थप उत्साही भएको छु ।

तीन चरणमा मदिरामुक्त नेपाल बन्ने

मैले आफ्नो लेखमा तीन चरणमा मुलुकलाई मदिरामुक्त तुल्याउने धारणा अघि सारेको थिएँ । जसअनुसार पहिलो चरणमा मदिरा र यस्को कच्चा पदार्थ आयातमा पूर्ण निषेध गर्ने, दोस्रो चरणमा मदिरा बिक्री नियन्त्रण र औद्योगिक उत्पादनमा रोक लगाउने तथा तेस्रो चरणमा मुलुकको धर्म, संस्कृति, परम्पराको पूर्ण सम्मान गर्दै सोही प्रयोजनका लागि बाहेक व्यापारिक प्रयोजनका लागि घरायसी मदिरा उत्पादनमा समेत रोक लगाउने मेरो अभिमत हो ।

यसलाई शिष्ट र मर्यादित ढंगले आम नेपालीबीच बहस गरेर, जनमत तयार गरेर, कसैको पनि भावनामा ठोस नपुर्‍याएर, खुल्ला अर्थनीतिको पनि उपहास नहुने गरी सभ्य नेपाल, समृद्ध नेपालको लागि ‘मदिरामुक्त नेपाल’ को प्रस्ताव अघि सारेको हुँ ।

मदिरा नियन्त्रणको विश्वव्यापी अनुभव

छिमेकी मुलुक भारतको विहार र गुजरात लगायतमा मदिरा नियन्त्रण पछि समृद्धि भित्रिएको हो । विश्वका मुस्लिम मुलुकहरु मदिरामुक्त छन् । अमेरिका, क्यानडा जस्ता उच्च विकास गरेका र समृद्धि चुमेका मुलुकले पनि मदिरा नियन्त्रणको प्रयास गरेको पाइन्छ । फ्रान्स, बेलायत, अष्ट्रेलियाजस्ता मुलुकले उच्च परिमाणमा मदिरा उत्पादन गरेपनि ती देशको खपत भने न्यून छ । सोभियत संघका तत्कालीन राष्ट्रपति मिखाईल गोर्भाचोभले सन् १९८५ देखि १९८८ सम्म ‘एण्टी अल्कोहल क्याम्पेन (ड्राई ल)’ लागू गर्नु भएको थियो । एक अनुमानअनुसार, सो बखत सोभियत संघमा औसतमा प्रति व्यक्ति वार्षिक मदिराको खपत १४ लिटर थियो, जबकी अमेरिकाको खपत ८ लिटर थियो ।

नेपालमा कहाँबाट मदिरा आयात हुन्छ ?

चालू आ. ब. २०७४/७५ को प्रथम ९ महिनामा नेपालमा रु १ अर्ब ८५ करोड बराबरको मदिरा आयात भएको पाइन्छ । गत वर्ष सोही अवधिमा रु २ अर्ब १६ करोड बराबरको आयात भएको थियो ।

नेपालमा अष्ट्रेलिया, फ्रान्स र चिलीबाट बढी वाइन आयात हुन्छ । यसैगरी अमेरिका, थाइल्याण्ड र बेल्जियमबाट बढी बियर आयात हुने गर्दछ ।

नेपालमा मदिराका कच्चा पदार्थ भारत, पोल्याण्ड र फ्रान्सबाट आयात हुने गरेको छ । यसरी गरिब मुलुकले मदिरा उपभोग गरेबापत समृद्ध मुलुकमा रकम पठाउने गरेका छौं ।

मदिरा सेवनका बेफाइदा

बेलायतबाट प्रकाशन हुने जर्नल विएमसीका अनुसार अल्कोहल सेवन गर्ने मानिस सात सय प्रकारका किटाणुबाट संक्रमित हुन्छन् । मदिरा सेवनले शरीरका विभिन्न भाग र मुखमा गम्भिर असर पुर्‍याउँछ । अत्याधिक मदिरा सेवनले मुखको क्यान्सर निम्त्याउँछ ।

अमेरिकामा अल्कोहल सेवन गर्ने, नगर्ने र कम मात्रामा गर्ने १० हजार ४४ जनामा केन्द्रित अनुसन्धानले विविध नतिजा सार्वजनिक गरेको छ । जस अनुसार नियमित अल्कोहल पिउने मानिसमा क्यान्सर, हृदयघात, कलेजो र पाचन प्रणाली सम्बन्धी रोग देखिएको छ । साथै यसको अधिक सेवनले पाचन प्रणाली र फोक्सोमा क्यान्सर हुने संभावना बढ्छ । अत्याधिक मदिरा सेवन गर्नेको अल्पायुमै र आकस्मिक मृत्यु हुने गरेको छ । यसले उच्च रक्तचापको संभावना बढाउँछ । यसका सेवनकर्ताहरू मधुमेह र मुटुरोगबाट ग्रसित हुन पुग्छन् ।

मानिसले तनाब कम गर्ने निहुँमा मदिरा सेवन गर्छ र मस्तिष्कलाई ‘ड्यामेज’ गराउने जोखिम बढाउँछ । मदिरा सेवनकै कारण ‘ह्याङ्गओभर’ स्वरुप मानिसमा शरीर शिथिल हुने, निद्रा नपर्ने, मनमा बढी कुरा खेल्ने, दिग्दारी बढ्ने र जीवनप्रति नै नैराश्यता पैदा हुने गर्दछ ।

मदिरा बिक्री वितरण नियमन निर्देशिका, २०६५

डा. बाबुराम भट्टराई अर्थमन्त्री हुँदा यो पंक्तीकार राजश्व सचिव थियो । सो बखत अर्थमन्त्रीको नेतृत्वमा यस पंक्तीकार समेतको प्रत्यक्ष संलग्नतामा मदिराको बिक्रीलाई व्यवस्थित गर्न निर्देशिका जारी गरिएको थियो । जसमा नगरपालिका क्षेत्रमा मदिरा र सूर्तीजन्य पदार्थ बिक्रीका लागि छुट्टै पसल खोल्नु पर्ने, किराना पसल वा अन्य पसलमा मिसाएर मदिरा बिक्री गर्न नपाइने व्यवस्था लागू गरिएको थियो ।

साथै डिपार्टमेन्ट स्टोरमा छुट्टै सेक्सन खडा गरेर मात्रै मदिरा बिक्री गर्न पाइने प्रवन्ध मिलाइएको थियो । सो बखत बिनाइजाजत मदिरा बिक्री गर्न नपाइने व्यवस्था गरिएको थियो ।

निर्देशिकामा मदिरा पसल बिहान १० बजेदेखि राति १० बजेसम्म मात्र खोल्न पाइने र १८ वर्षभन्दा बढी उमेरकालाई मात्रै बिक्री गर्न पाइने शर्त इजाजतपत्रमा राखिएको थियो । यस निर्देशिकाका प्रावधान मदिरा आयातकर्ता, उत्पादक, होलसेलर र डिष्ट्रीब्यूटरले पनि अनिवार्यरुपमा पालना गर्नुपर्ने व्यवस्था भएको थियो ।

साथै इजाजत पत्र सबैले देख्ने गरी पसलमा झुण्ड्याउनु पर्ने र अनिवार्यरुपमा बिल बिजक जारी गर्नुपर्ने प्रवन्ध गरिएको थियो । यस प्रवन्धको प्रभावकारी कार्यान्वयनको लागि केन्द्र र जिल्ला दुवै तहमा अनुगमन टोली गठन गरिएको थियो । साथै यस निर्देशिका विपरित काम गर्नेको मदिरा जफत हुने र पटकै पिच्छे रु १० हजार दण्ड गर्ने प्रवन्ध मिलाइएको थियो ।

साथै निर्देशिकामा इजाजतबेगरको मदिरा बिक्रीको सुराक दिनेलाई १० प्रतिशत, मदिरा जफत गरी ल्याउनेलाई २० प्रतिशत तथा मदिरा र व्यक्ति दुवै पक्राउ गरी ल्याउने नागरिक र राष्ट्रसेवक कर्मचारीलाई विगोको ३० प्रतिशत पुरस्कार दिने प्रवन्ध गरिएको थियो । हाल पनि यो नियमावली जिउँदै हुनुपर्छ भन्ने अनुमान गर्छु । उसबखत यस नियमावलीका व्यवस्था लागू गर्न गराउन निजी क्षेत्रसमेत सहमत भएको सत्य समेत उजागर गर्न चाहान्छु ।

तत्काल मदिरा नियन्त्रण र व्यवस्थापनको प्रस्ताव

नेपाललाई मदिरामुक्त घोषणा गर्ने लक्ष्यका साथ तत्कालका लागि मदिरा नियन्त्रण र यस्को बिक्री वितरणको व्यवस्थापनका लागि निम्न प्रस्ताव अघि सार्न चाहान्छु:

१. मदिरा बिक्रीको लागि छुट्टै पसल हुनुपर्ने । कुनै पनि हालतमा किराना पसल लगायतबाट छासमिस गरेर मदिरा बिक्री गर्न पूर्णतः निषेध गर्ने ।

२. यस्ता मदिरा बिक्री गर्ने पसल सीमित हुनुपर्ने । हालका लागि नगरपालिकाका हकमा प्रति वडा एउटा र गाउँपालिकाका हकमा एउटा पसल स्थापना गर्न दिने गरी कोटा प्रणाली लागू गर्ने । यसमा पारदर्शी सिद्धान्तबाट पसल छनौट गर्ने ।

३. मदिरा बिक्री गर्दा खरिदकर्ताको तीन पुस्ते लगायतको अभिलेख राख्ने । यस्तो पसलमा सिसी क्यामेरा राख्ने । अनिवार्यरुपमा विद्युतीय बिल जारी गर्ने । यस्तो पसल पारदर्शी सिसाको हुनुपर्ने । निश्चित परिणाम मात्रै बिक्री गर्न पाइने व्यवस्था गर्ने ।

४. मदिरा बिक्री गर्ने र नगर्ने रेष्टुराँ, होटल, लज, रिसोर्ट, होमस्टेको पहिचानका लागि ‘मदिरारहित रेष्टुराँ’ र ‘मदिरासहितको रेष्टुराँ’ भन्ने बोर्ड अनिवार्य गर्ने । यसबाट कति मानिस मदिराजन्य होटलमा वा रेष्टुराँमा जान्छन् कति मदिरा निषेधितमा जान्छन्, स्वतः जानकारी सार्वजनिक भै नेपाललाई मदिरामुक्त मुलुक घोषणा गर्न सकिने नसकिने तथ्य तथ्यांक सार्वजनिक हुनेछ ।

५. डिपार्टमेन्ट स्टोरमा रहने छुट्टै मदिरा बिक्री कक्षमा १८ बर्ष मुनिका लागि प्रवेश निषेध गर्ने ।

६. सरकारी भोज भतेरमा मदिरा प्रयोग गर्न नपाइने व्यवस्था झैँ सार्वजनिकरुपमा पार्टी प्यालेसमा आयोजना गरिने विवाह, ब्रतबन्ध लगायतका भोजमा मदिरा ‘सर्व’ गर्न नपाइने प्रवन्ध गर्ने । यही व्यवस्था होटल, घर जहाँ सार्बजनिक निमन्त्रणसहित पार्टी गरेपनि मदिरा ‘सर्व’ गर्न नपाइने प्रवन्ध गर्ने । धार्मिक र परम्पराका दृष्टिकोणले आफ्ना परिवार र गुठियारबीच निजी घरमा, निजी स्थलमा, सीमित संख्यामा, एउटै थर भएकाहरु सहभागी भै पर्व मनाउनुलाई हालका लागि बेग्लै कुराका रुपमा लिने । तर, यस्मा सम्मानित व्यक्ति, बुढापाकासँग बसेर थप बहस गर्ने ।

७. विद्यालय, अस्पताल, सार्बजनिक कार्यालय जस्ता संवेदनशील स्थानमा मदिरासेवन गरी उपस्थित हुनेलाई तत्कालै पक्राउ गरी मुद्दा चलाउने ।

८. जसरी प्रहरीले मापसे अर्थात् मादक पदार्थ सेवन गरेर सवारी चलाउनेलाई कारवाही चलाएको छ, सोही रितले मदिरा पियर सार्वजनिक सडकमा हिँडडुल गर्नेलाई पनि पक्राउ गर्ने प्रवन्ध गर्ने ।

९. मदिरामुक्त नेपालको गन्तव्यमा पुग्न तत्कालका लागि मदिरा आयातमा रोक लगाउन, पूर्ण कडाई गर्न, ह्वात्तै भन्सार दर बढाउन वा के गर्न सकिन्छ गर्ने र कुनै पनि नेपाली वा विदेशीलाई विदेशबाट नेपाल आउँदा साथमा मदिरा ल्याउन निषेध गर्ने ।

१०. सरकारी सवारी साधन, सार्वजनिक सवारी साधन, हवाइ जहाज लगायतबाट मदिरा ढुवानी गर्न निषेध गर्ने । मदिरा ढुवानी गर्ने छुट्टै सवारी साधन, छुट्टै खच्चडको व्यवस्था गर्नु पर्ने ।

११. नेपालमा हाल ६ हजार ७४३ वडा छन् । प्रत्येक वडाका वडाध्यक्षको नेतृत्वमा मदिरामुक्त वडा घोषणा गर्ने कार्यक्रमको आरम्भ गर्ने । तत् पश्चात गाउँ वा नगरपालिकालाई मदिरामुक्त स्थानीय तह घोषणा गर्ने । त्यसपछि जिल्ला र प्रदेश हुँदै पूरै मुलुकलाई मदिरामुक्त घोषणा गर्ने । यसबाट कुन जनप्रतिनिधिले कुन हदसम्म मदिरा नियन्त्रणमा योगदान गरे भन्ने सकारात्मक प्रतिस्प्रधा हुन्छ र यस्ले भोलिका लागि के गर्न सकिन्छ र के गर्न सकिन्न भन्ने बिषयमा नेतृत्वको क्षमताको सांकेतिक मूल्यांकन हुनेछ ।

१२. कुनै पनि सरकारी कार्यालय, सरकारी आवास र सार्वजनिक निकायमा मदिरा उपभोग गर्न नपाउने व्यवस्था लागू गर्ने । ‘स्मोकिङ्ग जोन’ जस्तै तोकिएको ‘अल्कोहल जोन’ मा मात्रै मदिरा सेवन गर्न पाइने व्यवस्था गर्ने ।

१३. सरकारी निकाय, राजनैतिक दल, गैह्र सरकारी संस्था, निजी क्षेत्र लगायत जोसुकैले जेसुकै विषयको सार्वजनिक कार्यक्रमको आयोजना गरे पनि मदिरा सेवनविरुद्धका जनचेतनामूलक फ्लेक्स बोर्ड राख्ने वा डकुमेण्ट्री देखाउने वा यस बिषयमा मन्तव्य दिनुपर्ने गरी सरकारले सार्वजनिक आह्वान गर्ने । यसको पालना नगर्नेको कार्यक्रम जो कोहीले बहिष्कार गर्न पाउने सामाजिक समझदारी बनाउने ।

१४. नेपाललाई मदिरामुक्त घोषणा गर्ने वातावरण निर्माण गर्न मदिराको बिक्री वितरणलाई नियन्त्रण र व्यवस्थापन गर्न जनजागरण कार्यक्रम सञ्चालन गर्न र यस सम्बन्धी रचनात्मक कार्य गर्न तत्कालै निश्चित रकम छुट्याउने र जागरण कार्यक्रम आरम्भ गर्ने ।

१५. मदिराको उपयोग बढाउने गरी कुनैपनि प्रकारको विज्ञापन गर्न नपाइने गरी पूर्णरुपमा निषेध गर्ने । तत्कालै गाउँपालिका र नगरपालिकाले आफ्नो स्थानभित्र रहेका मदिराका होर्डिङ्ग बोर्ड हटाउने । हवाइ जहाज कम्पनीले सिटमा राखेका मदिराका स्टिकर तत्काल हटाउने । अरु जो जे गर्नुपर्छ, कठोर भएर लागू गर्ने गराउने ।

नेपाललाई सभ्य, समृद्ध र मर्यादित राष्ट्रको रुपमा विश्व रंगमञ्चमा परिचित गराउन नेपाललाई मदिरामुक्त गर्ने अभियानमा जुटौँ भनी सार्वजनिक आह्वान गर्दछु । 

(बास्कोटा राष्ट्रिय सूचना अायोगका प्रमुख अायुक्त हुन् ।)

यो पनि पढ्नुस्  

यसरी हुँदैछ नेपालमा जाँड-रक्सी विरोधी आन्दोलन

रक्सीमा डुबेर समृद्धि आउँदैन, नेपाललाई मदिरामुक्त बनाऔं !

 

२०७५ वैशाख ३१ गते १०:४८ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१५ प्रतिकृयाहरू प्राप्त
  • twake mailo लेख्नुहुन्छ    |   २०७५ वैशाख ३१ गते ११:३५

    sun khoja gaire sun !!

    10
    3
    Share

  • Anupam Sharma लेख्नुहुन्छ    |   २०७५ वैशाख ३१ गते ११:३७

    Its always good to regulate the stuffs like alcohol and tobacco, how person of your stature and position, that too being the in-charge of Information commission, should be well informed before setting up the premise for your case. I must tell you that, The malls in Delhi, Mumbai and all other metropolitans of India sell alcohols just like any other commodity (except for minors and pregnant). They DONOT ask for “sharaabi kaa naam” and “sharabi kaa baap kaa naam” or anything like that. Well, things like this used to be there few decades back and it seems you have not updated your repertoires.

    20
    7
    Share

  • राराली सुनुवार लेख्नुहुन्छ    |   २०७५ वैशाख ३१ गते ११:४६

    नेपालमा उत्पादन हुने मदिरालाई निषेध गरेर विदेशी मदिरालाई स्वागत गर्ने मनासयले बनाएकाे कानुनकाे रहस्य के हाे ?
    अाफ्नाे नाक काटेर परायकाे चाक टाल्ने काम किन भैरहेकाे छ ?
    समयावधि र सिमितता नताेकेर निषेध नै गर्नुपर्ने कारणा कस्काे गुलामीकाे लागि हाे कि कमिसन प्राप्तिकाे लाेभमा ?
    घरेलु मदिरालाई परिस्कृत र अल्काेहाेलिक मापन गरेर बजार व्यवस्थापन गर्ने कि विदेशी रक्सीलाई बढावा दिने ?
    अाखिर नेपाल त बहुभाषिक र बहुधार्मिक देश हाे भन्ने त सानाे कुरा त थाहै हाेला । यहाँ मदिरा बिना कुलपितृ कार्य नै हुँदैन । याे कसकाे धर्मकर्ममा अाक्रमण गर्ने रणनीति हाे ?

    20
    8
    Share

  • angel लेख्नुहुन्छ    |   २०७५ वैशाख ३१ गते १२:२९

    passport dinu parne,Tin pusta ko naam tipaunu parne lekhak ko lekh padda,lekhak afai mat ko sur ma lekhnu bhako jasto lagyo.kina ki yo sab jhut kura ho.Ho,yaha ner harek ward ma euta wa duita wine store bhanda hudaina.madira kinnu ko lagi line awasya basnu parni huncha,tar karid karta ko nalibeli register garnu pardain.
    Euta kura stambhakar lai madira sang yasto nafrat kina ho?yo bhaneko hamro ritiriwaz ma parda,marda,bhoj,subh karya sab ma chaincha ho.
    Sarkar le sakcha bhane mapase drive control gare jastai,piyera ho halla garne,aru lai hani nuksani garni byaktti lai karbai ko dayera ma lyaunus.Power cha bhanera madira bechbikhan band gardinu bhayo bhane,hamra sakti pith bhagwan mata haru risaunu huncha,ani anista hola.Bichar puryaunus.

    5
    4
    Share

  • श्री राम लेख्नुहुन्छ    |   २०७५ वैशाख ३१ गते १२:३०

    अत्यन्त राम्रो सुझाव । केहि बुँदाहरु तत्काल लागु गर्न अप्ठ्यारो भए पनि सकिने जति गर्दै जानु उपयुक्त हुन्छ !
    चाड-पर्व, जनजातीको धार्मिक अनुष्ठानहरुमा भने छुट दिने तर सार्वजनिक रुपमा बिक्रि – बेचबिखन -सेवन गर्नेलाई भने पाता फर्काउने गर्नु पर्छ !!

    10
    10
    Share

  • Kailash लेख्नुहुन्छ    |   २०७५ वैशाख ३१ गते १२:३१

    धेरै राम्रो कुरा स्वागत योग्य छ । जसरी नी कार्यन्वयन गर्नुपर्छ ।

    7
    10
    Share

  • Biswash Khadka लेख्नुहुन्छ    |   २०७५ वैशाख ३१ गते १२:३५

    Kura ta ek dum thik ho, tara Nepal jasto desh jaha sabai bhanda thulo kardata Surya Tobbacco huncha ra Raksi Company haru bata yeti dherai tax sarkar le uthayi rako cha….yo sabai company banda garera ani hami janata bata ta uthaune hola ni nautheko kar jati chahi hoina ???
    Teso gare pachi ta समृद्धि aaucha hola ni …tara kosko????

    7
    4
    Share

  • Drj लेख्नुहुन्छ    |   २०७५ वैशाख ३१ गते १२:४८

    मदिरा नियंत्रणको कुरा गर्दा धर्मकर्म र आष्था माथि आक्रमणको रुपमा हेरिनु दुर्भाग्यपूर्ण कुरा हो | जथाभावी मदिरा उत्पादन गर्नु र प्रयोग गर्नु सामाजिक,आर्थिक र राष्ट्रिय विकासको लागी समेत हानिकारक छ | सीमित मात्रामा प्रयोग त्यति आपत्तिजनक नभएपनि यो एक लागु पद्धार्थनै हो त्यसैले यो सर्वव्यापी,सर्वसुलभ हुनु हुन्न |
    मदिराको प्रयोग बिना पूजा,कुलपितृ कार्य नहुने भन्ने जस्ता कुरा लाइ क्रमश: सुधार गर्दै जानु पर्छ | समग्र देशको सामाजिक उत्थानको लागी केही सास्कृतिक सुधार-विकास पनि गर्नै पर्ने देखिन्छ |

    7
    10
    Share

  • हरी खतिवडा लेख्नुहुन्छ    |   २०७५ वैशाख ३१ गते १२:५९

    सुर्तिजन्य पदार्थ र मदिरामा भारी कर बृद्धि गर्नुपर्छ। समस्या आफै समाधान हुन्छ।

    8
    3
    Share

  • Rajan लेख्नुहुन्छ    |   २०७५ वैशाख ३१ गते १४:१७

    बास्कोटा सरको देशलाई समृद्ध भएको देख्ने उद्देश्यमा खोट लगाउने ठाउँ त छैन, तथापि सरले भनेको जस्तो मदिरामुक्त बनाएर मात्र देश समृद्ध हुन्छ भन्ने तर्क चाहिँ अलि दमदार लागेन । मदिराले सामाजिक उन्नतिमा वाधा पु¥यायो भनेर निश्कर्ष निकाल्नु भन्दा पहिला नेपालमा कस्तो प्रकृतिको अपराध बढि हुन्छ र त्यस्मा मदिराको योगदान कति छ भनेर सुक्ष्म अध्ययन गर्नुपर्छ जस्तो लाग्छ । सरले भने झैँ सभ्य, समृद्ध र मर्यादित समाज नियन्त्रणमा मदिरा नियन्त्रणले के योगदान गर्छ, त्यो मैले बुझ्न सकिन । मैले देखे बुझे अनुसार संसारका सभ्य भनाउँदा समाजहरु जस्तै बेलायत, युरोप, अमेरिका आदि त कहिँ मदिरा प्रतिबन्धित भएको जस्तो लाग्दैन । भारतकै कुरा गर्ने हो भने गुजरात र बिहार भन्दा महाराष्ट्र र तामिल नाडु बढि समृद्ध छन् र गुजरातले प्रगति गर्नुको पछाडि मदिरा नियन्त्रण मात्रै नभएर मुख्यमन्त्रिको रुपमा नरेन्द्र मोदि को नेतृत्व र भ्रष्टाचार नियन्त्रण पनि प्रमुख कारण हो । नेपालको हकमा पनि समृद्धिको यात्रा थाल्नुभन्दा पहिला यहाँको मुल समस्याहरु के के हुन्, के कति कारणले आजसम्म हामिले प्रगति गर्न सकेनौँ र त्यसमा मदिरा कुन हदसम्मको कारक तत्व हो भन्ने कुराको विश्लेषण नगरी हचुवाको भरमा मदिरा निषेध गर्दा गुजरात र बिहारमा मौलाएको जस्तो अवैधानिक रक्सिको व्यापार हाम्रो देशमा नहोला भन्न सकिन्न । विश्वका सभ्य र भव्य मुलुकहरु हेर्नुहोस्, बेलायतको स्कटल्यण्डको चिनारी स्कच होस्, फ्रान्सको चिनारी श्याम्पेन, मेक्सिकोको टकिला होस् वा अमेरिकाको बर्बन, मदिराले ति मुलुकलाइ निकृष्ट होइन उल्टै उत्कृष्ट मुलुकका रुपमा चिनाइरहेका छन् । नेपालको मार्फा, एला जस्ता पेयमा पनि विश्वव्यापिकरणको उत्तिकै सम्भावना छ, जस्ले समृद्धिकै नारालाइ सार्थक तुल्याउन मद्धत गर्न सक्छन् । जनस्वास्थ्यकै कुरा गर्दा पनि मदिरा मात्रै किन, बजारमा खुलेआम विक्री भइरहेका अस्वस्थकर खानेकुरा, जंकफुड आदिले बच्चा देखि वृद्ध सम्मको स्वास्थ्य परम जोखिममा छ । मदिरा त बरु उमेर पुगेका मानिसले यसको गुण दोष सबै कुरा थाहा पाएर स्वेच्छाले खाने कुरा हो । अरु स्वस्थ भनिएका खानेकुराहरु भित्र लुकेका विकृतिले कतिजनालाई निलेको छ, देशका पिछडिएका भागमा दुइ छाक सामान्य खाना खान मान्छेलाइ धौ धौ छ, आवाज उठाउनै छ त त्यस्ता गम्भिर कुराहरु विरुद्ध उठाउनुस् न । रह्यो मदिराको कुरा, यसलाइ खुला छाड्नुपर्छ भन्ने मेरो राय होइन । यसको विक्रि वितरण नियन्त्रित हुनुपर्छ र यसको हानिको बारेमा जनचेतना अवश्य अभिवृद्धि गर्नुपर्छ, तर रक्सिकै कारण नेपाली समाज बिग्रियो र नेपाल समृद्ध भएन भन्नु चाहिँ हत्केलाले सुर्य छेक्नु जस्तै हो ।

    14
    1
    Share

  • Dolma Sherpa लेख्नुहुन्छ    |   २०७५ वैशाख ३१ गते १४:२५

    सुपर आइडिया . जसले मदिरा प्रतिबंधित गर्छ उसले हामी महिलाहरुको भोट प्राप्त गर्छ.

    3
    8
    Share

  • Romeo लेख्नुहुन्छ    |   २०७५ वैशाख ३१ गते १४:४७

    धनकुटा हिलेबजारको चोकमा ठडिएको यामानको तोङ्बा (कोदोको घरेलुु रक्सी) राख्ने भांडा आकारको मूर्तिलाई हटाउनु पर्छ । अवैध तथा घरेलु रक्सीको खुलेआम विज्ञापन/विक्री वितरण हुंदापनी किन कसैको ध्यान नगएको होला ?

    3
    4
    Share

  • Baburam Shrestha लेख्नुहुन्छ    |   २०७५ वैशाख ३१ गते १९:५४

    बास्काेटा ज्यू जस्ताे ब्यक्तित्वले असाध्यै हल्कारूपमा लेख लेख्नु भएकाे पाएं । मैले अाजसम्म मापसे सेवन गरेकाे छैन तर यसकाे मतलब याे हाेइन की अरू सबै मै जस्ताे हुनु पर्छ । यदि कसैले संयमित भएर पिउछ भनेअरूलाइ के काे टाउकाे दुखाइ ? मापसेकाे कारणबाट देश विकाश तथा सम्वृध्दिकाे लागि के कति असर परेकाे छ, कति प्रतिशत मानिसले पिउने गरेका छन्, यसबाट भएका बिकृतिहरू र उपायकाे बारेमा कुनै अनुसन्धान भएकाे छ ? हावामा लेख लेखेर सस्ताे लाेकप्रियता कमाउने मेसाे…..नेपालका प्राथमिकताहरू कति छन् कति…. लेखक सचिव काे हैसियतमा रहदा उहांकाे कार्यकालमा राजश्वकाे हालत के थियाे….भ्रष्टाचार कति नियन्त्रण भयाे…..सुन तस्करी त त्याे बेलामा पनि थियाे ……जिम्मेवारी लिने कि नलिने….त्यसैले टाउकाे दुखेकाे अाैषधी पेटमा लगाएर हुंदैन । उत्पादनशिल क्षेत्र र राजश्व कसरी बढाउने, भ्रष्टाचार कसरी नियन्त्रण गर्ने जस्ता बिषयहरू तथा सुचना र बिकाशकाे सम्क्न्धकाे क्षेत्रमा कलम चलाअाै हजुर ।

    6
    0
    Share

  • DB Rana लेख्नुहुन्छ    |   २०७५ जेठ १ गते १३:२२

    खै के भनौ.. यो देशमा एउटा गरिबलाई रोजगारी दिन नसक्नेले किन तेही गरिबले घरेलु रक्सि बनाइ तेसै आम्दानीबाट आफ्नो परिवारको पेट पाल्नी,आफ्नो छोरा छोरी लाई उच्च शिक्षाको लागि पढाई खर्च जुटाउनि काम गरिराखेको छन्! के अबो उनिहरुको बाच्ने अधिकार खोसिदिने होइन भनि एउटा गरिबले गरेलु रक्सि बनाएर बेच्न पाउदैन भनि उनिहरुलाई सरकारले हेर्न पर्छ कि पर्दैन हाम्रो गाउ ठाउमा अझै नि हजारौ गरिब छन् होला जसले घरेलु रक्सि बनाइ बेच्दछन् उनीहरुको आयआर्जन भनेकै घरेलु रक्सी हो! मलाई लाग्छ संसदमा बसेरै निर्णय गर्न जति सजिलो छ नि गाउमा भएको गरिब लाई यो निर्णयले बाच्नको लागि धेरै धक्का पुग्नेछl

    अन्तमा:बिदेसी ब्रान्ड होइन नेपाली ब्रान्ड लाई प्रोत्साहन गरौ भन्न चाहान्छु!

    6
    0
    Share

  • rupesh parajuli लेख्नुहुन्छ    |   २०७५ जेठ ६ गते १३:५५

    come on man stop ur bullshits around here ..if u really wana do something good for country first eleminate those corroupt basterds ,then boycot those middle person who are eating our country from inside and stop forming different parties and become unite .if u can;t do any good then stop about making country a alcohol free country ..alcohol is not a big issue in our country ….corrupt basterds are the main problem.

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this