शुक्रबार, ११ जेठ, २०७५
Ruslan
OnlineKhabar.com
Suzuki

ठूला व्यानरका फिल्म छाड्दा ऐश्वर्याको टाउकोमा हात

Suzuki
अनलाइनखबर


बलिउड अभिनेत्री ऐश्वर्या राय फिल्म खेल्ने मामलामा एकदम चुजी छिन् । तर, आवश्यकताभन्दा बढि चुजी हुँदा उनको करिअरलाई ठूलो घाटा भइरहेको छ ।

ऐश्वर्याले रिजेक्ट गरेका थुप्रै फिल्म अन्तमा ब्लक बस्टर सावित भए । त्यस्ता फिल्महरुको नाम लिनुपर्दा राजा हिन्दुस्तानी, कुछ कुछ होता है, चल्ते चल्ते, मुन्ना भाई एमबीबीएस, वीरजरा आदि छन् ।

हालै क्यान्स फिल्म फेस्टिबलमा पत्रकारहरुसँग कुरा गर्दै ऐश्वर्याले विगतमा छोडेका फिल्महरुप्रति पछुतो मानिन् । उनले भनिन्, ‘सेड्यूल नमिलेको बहानामा मैले धेरै राम्रा फिल्महरु छोडेँ, जसले गर्दा मलाई घाटा भएको छ । मैले ती फिल्महरु गरेको भए आज अर्कै स्थिति हुन सक्थ्यो ।’

आफू सकभर एउटा फिल्मसँग अर्को फिल्म नजुधाउने प्रयासमा रहने गरेको उनी बताउँछिन् । ‘एउटा फिल्मको काम सकिएपछि मात्रै अर्को फिल्ममा हात हाल्ने मेरो बानी थियो, त्यसो गर्नु नहुने रहेछ,’ उनले भनिन्, ‘धेरैले एकैसाथ दुई-तीन वटा फिल्ममा सहजै अभिनय गरिरहेका छन् । मैले पनि सायद त्यसै गर्नुपर्ने थियो ।’

अभिषेक बच्चनसँग बिहे गरेपछि उनको फिल्म खेल्ने क्रम झनै घटेको थियो । त्यसमाथि छोरी आराध्यालाई जन्म दिएपछि उनले लामो समय ब्रेक लिइन् । यो पाँच वर्षमा उनले एकाध फिल्म मात्र गरेकी छिन् ।

‘यति लामो समय सायद मलाई ब्रेक आवश्यक थिएन,’ उनी अहिले भन्छिन् । अब चाहिँ फिल्ममा अलि बढि सक्रिय हुने उनको योजना छ । उनका लागि अहिले तीन वटा फिल्मका प्रस्ताव आएका छन् । पहिलो फिल्म हो, जस्मिन । यो फिल्मको उनले स्त्रिmप्ट रिराइट गर्न भनेकी छिन् । त्यसैगरी ‘रात और दिन’ र ‘ओ कौन थी’ का लागि पनि उनलाई अफर आएका छन् । यी दुवै रिमेक फिल्म हुन् । दुवै फिल्म गर्न आफू तयार रहेको ऐश्वर्याले जानकारी दिइन् ।

२०७५ जेठ २ गते ११:४२ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१ प्रतिकृया प्राप्त
  • Baburam Rijal लेख्नुहुन्छ    |   २०७५ जेठ २ गते १४:१७

    शीर्षक अनुसार टाउकोमा हात भन्नाले आशिर्वाद बुझिन्छ
    न्युज अनुसार पुर्पुरोमा हात हुनु पर्ने पत्रकार ज्यु

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this