मंगलबार, २९ साउन, २०७५
OnlineKhabar.com
Suzuki

हनी हन्टिङः तान्जे गाउँको २०० वर्ष पुरानो परम्परा

Suzuki
अनलाइनखबर

केही शिकारीहरू माहुरी भगाउन भिरको फेंदमा आगो बाल्न थाल्छन् । हेर्दाहेर्दै धुवाँको मुस्लो माथि माहुरीको घारसम्म पुग्छ ।

केही शिकारी भिरको माथिपट्ट िडोरी र सिँडी कस्न थाल्छन् ।  त्यसपछि मह काढ्ने शिकारी त्यही डोरी र सिँडी प्रयोग गरेर माहुरीको घार भएको ठाउँसम्म पुग्छन् ।

अब सुरु हुन्छ हनी हन्टिङ अर्थात भिर माहुरीको महको शिकार । १६ जना शिकारीले पूरै १० घण्टा लगाएर हनी हन्टिङ गरिरहेको दृश्य रोमाञ्चक र रसिलो थियो ।

धुवाँको मुस्लोका कारण माहुरी आत्तिँदैछन् र घार छोडेर परपर भाग्दैछन् । यी यस्ता माहुरी हुन्, जुन विश्वकै ठूला मानिन्छन् । यस्ता कम्तीमा दश वटा माहुरीले टोकेमा शिकारी सिकिस्त विरामी हुन सक्छन् । भिरमा तुर्लुङ्ग झुण्डिएर माहुरीको टोकाइबाट बच्दै मह काढ्नु कम्ती जोखिमपूर्ण हुँदैन ।

नेपालमा सदियौंदेखि चलिआएका केही यस्ता लोपोन्मुख परम्परा छन् जुन निकै आश्चर्यजनक र जोखिमपूर्ण छन् । ‘हाई क्लिफ हनी हन्टिंङ’ अर्थात् ‘भिर मौरीको मह शिकार’ यस्तै एउटा परम्परा हो, जुन हिमालको काखमा रहेको लमजुङ जिल्लाको तान्जे गाउँमा प्रचलित छ । यो परम्परा करिब २०० वर्ष अघिदेखि सुरु भएको शिकारीहरु बताउँछन् ।

वरिपरि घनघोर जंगल रहेको तान्जे गाउँ पुग्दा हामीले घले र गुरुङ समुदायका मानिसहरु भेट्यौं । उनीहरू वर्षमा दुई पटक नजिकैका भिरहरूमा मह काढ्न जाँदा रहेछन् । तिनैमध्ये एक शिकारी हुन्, कृष्णबहादुर तामाङ, जसले यो काम गर्न थालेको ४५ वर्ष पुगिसकेछ ।

हनी हन्टिङमा शिकारीहरूलाई प्रोत्साहन गर्न भोज डिल्स कम्पनीले खानेकुराका प्याकेट पठाइदिएको थियो । हामीले ती प्याकेट उनीहरूलाई हस्तान्तरण गर्‍यौं । उनीहरू निकै उत्साहित देखिन्थे । भोज डिल्स काठमाडौंमा यस्तै प्याकेट घरघरमा पुर्‍याउने एउटा कम्पनी हो ।

मह काढिसकेपछि उनीहरुले त्यसलाई प्राकृतिक तवरले छाने । अचेल भिर माहुरीको महको विश्वमा निकै माग छ । औषधीय गुण भएका हिमाली फूलहरुको रस चुसेर माहुरीले जम्मा गर्ने यो मह अमृत समान मानिन्छ ।

(मह शिकारका रोमाञ्चक तस्वीर तथा भिडिलार्इ फोर एएम प्रोडक्सनले उपलब्ध गराएको हो)

२०७५ जेठ २८ गते ११:३० मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

३ प्रतिकृयाहरू प्राप्त
  • Rekha Paudyal लेख्नुहुन्छ    |   २०७५ जेठ २८ गते १३:१९

    Jst Amazing…. love it

    11
    1
    Share

  • mahesh लेख्नुहुन्छ    |   २०७५ जेठ २८ गते १३:२५

    Sarkar ko najar pugyos

    3
    2
    Share

  • Khamma Singh Darlami Magar, Bharshe, Gulmi लेख्नुहुन्छ    |   २०७५ जेठ २८ गते १८:००

    Brave !!
    Bravo !!
    My salute to those honey hunters!
    Government – you must form a “honey hunters Cooperative” and provide al rock climbing gears and safety tools and insurance. And also provide a training about how to market such organic honey.
    In this 21st century, we can not be reluctant and ignore “safety features”
    If in future, from today onwards, Anyone honey hunters would fall/injured/died the Government is fully responsible.

    8
    2
    Share

यसमा तपाइको मत




फेसबुकबाट तपाईको प्रतिक्रिया

Also you may like this