सोमबार, ११ असार, २०७५
Ruslan
OnlineKhabar.com
Suzuki

यस्तो बन्दैछ वीर अस्पताल-अन्तर्राष्ट्रिय स्तरको भवन, सबै रोगको एकै छानामुनि उपचार

Suzuki
अनलाइनखबर

वीर अस्पतालको नयाँ बन्ने भवनको स्केच

३१ जेठ, काठमाडौं । नेपालकै जेठो वीर अस्पतालले १२९ औं वर्षगाँठ मनाउदै गर्दा १६ सय ५० बेड सहितका अत्याधुनिक भवन निर्माणको प्रक्रिया अघि बढेको छ । हाल वीर अस्पताल रहेकै ठाउँमा ६५० बेडको अन्तर्राष्ट्रिय मापदण्डको भवन निर्माण शुरु भइसकेको छ ।

१७ रोपनी जग्गामा सात तले भवनको प्रधानमन्त्री केपी शर्मा ओलीले शिलान्यास गरेसँगै निर्माण शुरु भएको सो भवन अढाई वर्षभित्र बनाइसक्ने लक्ष्य छ । त्यस्तै भक्तपुरको दुवाकोटमा ५७० रोपनी क्षेत्रफलमा एक हजार बेडको अर्को अत्याधुनिक भवन निर्माणको प्रक्रिया पनि अघि बढाउने तयारी छ ।

तत्कालिन अर्थमन्त्री विष्णु पौडेलका पालामा अघि सारिएको यो महत्वाकांक्षी परियोजना पूरा हुनासाथ वीर अस्पतालले एकैपटक करिब २ हजार बिरामीलाई बेड उपलव्ध गराउन सक्नेछ । दुवै भवन बनेसँगै वीर अस्पतालमा बेड पाइएन भन्ने गुनासो अन्त्य हुने अस्पतालका निर्देशक डा. भुपेन्द्र बस्नेतले बताए ।

१२८ वर्ष पुरानो वीर अस्पतालमा ४० वर्षअघि बनेका भवन छन् । २०७२ सालको महाभूकम्पअघि ४६० बेड सन्चालनमा थिए । भूकम्पछि ३७० वटा बेडमात्र सन्चालनमा छन् । जाइकाको सहयोगमा वीर अस्पतालभित्रै एक सय बेडको अर्को भवन बनिरहेको छ । सो भवनको आधा काम सकिएको बस्नेतले बताए ।

वीर अस्पतालमा अहिले दैनिक १८ सय विरामीले सेवा लिइरहेका छन् । सस्तो शुल्क, कतिपय निःशुल्क उपचार र अत्याधुनिक उपकरण रहेका कारण विरामीको चाप वीर अस्पतालमा बढिरहेको छ । सो अनुसारको सेवा दिनका लागि अस्पतालले पछिल्लो समय उपकरण र नयाँ रोगको उपचार शुरु गरेको छ ।

अत्याधुनिक प्रविधि

बस्नेत अस्पतालको निर्देशक बनेपछि छाती रोग, बाथ रोग र हेमाटोलोजी गरी तीनवटा रोगको उपचार वीर अस्पतालमा शुरु भएको हो । तत्कालै वीर अस्पतालको इमरजेन्सी पनि बिस्तार गर्ने र ट्रायज सिस्टम शुरु गरिने भएको छ । त्यस्तै इमरजेन्सीलाई पेपरलेस बनाउने प्रक्रिया पनि अघि बढेको अस्पतालले जनाएको छ ।

अब वीर अस्पतालमा रक्तक्यान्सरको उपचार पनि शुरु भएको छ । त्यस्तै  चौबिसै घण्टा डायलोसिस सेवा शुरु भएको छ र एचआइभी र हेपाइटाइटिसको उपचार पनि अस्पतालभित्रै थालिएको छ ।

क्यान्सरको रेडियसन थेरापीका लागि अत्याधुनिक कोब्याक मेसिन खरिद प्रक्रिया अघि बढाइएको  खरिद शाखा प्रमुख भगवती थपलियाले जानकारी दिइन् । वीर अस्पतालमा अत्याधुनिक एमआरआई र दुईवटा सिटी स्क्यान मेसिन पनि यसबीचमा जडान गरेर विरामीलाई अस्पतालभित्रै सबै सुविधा उपलव्ध गराउन खोजिएको उनको दावी छ ।

नेपालमै नभएको ग्यास्ट्रो मेडिसिनको एलास्ट्रोग्राफी पनि वीर अस्पतालमा स्थापना गरिएको छ । त्यस्तै आन्द्रा र खाना नलीको रोग पत्ता लाउने म्यानोम्याट्री मेसिन स्थापना गरेर आन्द्राको रोगको उपचार थालिएको छ । कलेजो, आन्द्रा र फोक्सोको रोग पत्ता लगाउने तथा उपचार गर्ने अत्याधुनिक मेसिन राखिएपछि वीर अस्पताल सबै रोगको एकै ठाउँमा उपचार दिन सक्षम रहेको बस्नेतले बताए ।

फोक्सोमा मेसिन घुसाएर एक्सरे गर्ने इबस नामको प्रविधि विश्वमा २००३ मा विकास भएको थियो । भारतमा २००९ मा भित्रिएको सो प्रविधि नेपालमा वीर अस्पतालले भित्र्याएको छ ।

वीर अस्पतालको हालको भवन

काउन्टरमै बैंक राख्ने तयारी

अस्पतालले सर्वोच्च अदालतको आदेश पालना गर्दै आफ्नै भवनमा सरकारी औषधी पसल सन्चालनमा ल्याएको छ । त्यस्तै टिकट काउन्टरमा टोकन प्रणाली लागु गरेका निर्देशक बस्नेतले अब काउन्टरमै बैंक राख्ने र बैंकमै पैसा बुझाउने व्यवस्था मिलाउने बताएका छन् ।

वीर अस्पतालले  सिंहदरवारमा एक्सटेन्सन हेल्थ डेक्स शुरु गरेको छ । असहायको लागि विपन्न नागरिक कोषमार्फत उपचार सेवा दिइरहेको अस्पतालले स्वास्थ्य बीमा पनि लागु गरेको छ ।

धुर्मुसले अस्पतालको मुहार फेर्दै

वीर अस्पताललाई रंगरोगन गरेर चिटिक्क पारिँदै

यसैबीच कलाकार सिताराम कट्टेल (धुर्मस)ले स्वयंसेवी अभियानबाट शुरु गरेको वीर अस्पताल सरसफाइ तथा रंगरोगन अन्तिम चरणमा पुग्दा अस्पतालको मुहार फेरिएको छ । अस्पताल भित्र र बाहिर रंगरोगन भइरहँदा सरसफाइमा पनि उल्लेख्य सुधार आएको उनले बताए ।

पुरानो भवन भएका कारण सरसफाइ जति गरिए पनि नदेखिने भएकाले अब नयाँ भवन बनेपछि सिंगापुरका अस्पतालमा पुगेजस्तै अनुभूति हुने निर्देशक बस्नेत बताउँछन् । सरकारले वीर अस्पताल सुधार र सरसफाइका लागि सहयोग गरिरहेको र धुर्मुसको व्यक्तिगत सक्रियताका कारण पनि अस्पतालको मुहार फेरिएको कर्मचारीहरु बताउँछन् ।

‘वीर अस्पतालमा धेरै सुधार भएको छ । आन्तरिक सुधारमा निर्देशकले सबैको समन्वयमा जुन काम गरे, यसले सेवाग्राहीलाई पनि सहज भएको छ,’ वीर अस्पतालका कर्मचारी खुबराज आचार्यले भने, ‘धुर्मुसको पहलले बाहिरी रुप पनि फेरिएको छ ।

निर्देशक बस्नेतले भने स्वास्थ्य मन्त्रालय, यहाँका पदाधिकारी कर्मचारी सबैको सहयोगमा अस्पतालमा उल्लेख्य सुधार ल्याउन सकिए पनि अझै अन्तर्राष्ट्रिय मापदण्डको बनाउने योजना पाइपलाइनमा रहेको बताए ।

२०७५ जेठ ३१ गते ९:१७ मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

८ प्रतिकृयाहरू प्राप्त
  • Govinda Acharya लेख्नुहुन्छ    |   २०७५ जेठ ३१ गते १०:२३

    एकदम राम्रो काम । विर अस्पताललाई जनताको भरोसायोग्य स्वास्थ्य संस्था बनाउन लागि परेका डा. भूपेन्द्र बस्न‌ेतलाई हार्दिक शुभकामना ।

    5
    0
    Share

  • Khamma Singh Darlami Magar, Bharshe, Gulmi लेख्नुहुन्छ    |   २०७५ जेठ ३१ गते ११:०७

    Never mind about the BUIDING and infrastructure itself. Until and unless Bir Hospital would enforce a law for its Doctors to STOP working in Private Practice NEPALI People Will Never Ever get any quality health services.
    Ask with Dr. “Either you are with Bir Hospital or Private Practice” ??? NO in between or extra time or part-time – all these are just BULLSHIET.

    6
    0
    Share

  • DEV OJHA लेख्नुहुन्छ    |   २०७५ जेठ ३१ गते १२:०८

    के गर्नु जस्तो सुकै भवन बने पनि सर्ब साधारणले र पहुच न भएको बिरामीले गम्भीर प्रकृतिका बिरामिको उपचार सरकारी स्वास्थ्य संस्थामा पाइदैन , आकासको फल आँखा तरी मार भन्या जस्तै हो , कागलाई बेल पाक्यो हर्ष न बिस्मात !

    4
    1
    Share

  • mandira लेख्नुहुन्छ    |   २०७५ जेठ ३१ गते १३:५५

    dr dekhi karmchri sabaile dhurmusko jasto sachcha dille kam garnuhos tapai haru sabailai shuvakamana . paisa hunelai vanda garib dindukhiko sewa garnu parxa .

    1
    0
    Share

  • KRISHNA POKHAREL लेख्नुहुन्छ    |   २०७५ जेठ ३१ गते १४:२०

    एकदम राम्रो काम । विर अस्पताललाई जनताको भरोसायोग्य स्वास्थ्य संस्था बनाउन

    2
    0
    Share

  • Purnima Bhatta लेख्नुहुन्छ    |   २०७५ जेठ ३१ गते १७:१७

    ekdam khushi lagyo yo kura sunera aba hami sabai nepali milera yestai ramro ramro kamharu garnu parxa ra dhurmus ra suntali jasta mahan bakti lae jhutta aarop lagaunu ko sato aafu pani desh ko lagi yestai kamharu garna saknuparxa.

    1
    0
    Share

  • kriparam लेख्नुहुन्छ    |   २०७५ जेठ ३१ गते २३:४७

    उद्देश्य महान हो तर

    अति ठुलो अस्पताल एकै ठाउँ मा बनाउँदा कति समस्या हुन्छन

    जस्तै
    पार्किङ्ग को समस्या , भिड , वातावरनिय समस्या , नजिक ट्राफिक को भिड र पहुँच को समस्या
    अनि क्रस इन्फेक्षण को डर , इत्यादि

    बिल्डिंग र उपकरण भन्दा महत्व को कुरा हो डाक्टर , नर्स र अरु जनशक्ति

    चेतना भया

    तर यो महान उद्देश्य को सबैले समर्थन गर्ने पर्छ

    1
    0
    Share

  • kriparam लेख्नुहुन्छ    |   २०७५ असार १ गते ०:२८

    सम्पादकज्यू मेरो प्रतिक्रिया किन छाप्न छोड्नु भो ?

    मैले कुनै नराम्रो कुरा कहिले पठाको छुइन

    किन हजुर? न्याय पाउँ

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this