२२ वर्षका गोलोभिन रसियन टिमका राम्रा मिडफिल्डर हुन् । उनी सन् २०१५ देखि राष्ट्रिय टिममा छन् ।
गएको अप्रिलमा युरोपा लिग क्वार्टरफाइनलको पहिलो लेगमा इंग्लिस क्लब आर्सनलविरुद्ध सीएसकेए मस्कोका गोलोभिन उत्कृष्ट देखिएका थिए । ४-१ ले हारेको खेलमा समेत समर्थक र फुटबल विश्लेषकको नजरमा पर्न सक्नु सानो विषय होइन ।
घरेलु मैदानमा भइरहेको विश्वकप फुटबलमा रसियालाई क्वार्टरफाइनलसम्म लैजान पनि उनको भूमिका प्रमुख छ ।
उनलाई ‘गेम चेञ्जर’को रुपमा हेरिन थालिएको छ । मिडफिल्डमा रहेर उनले पूरा खेल आˆनो टिमको पक्षमा मिलाउने खुबी राख्छन् । अहिले उनीमाथि स्पेनिस र इंग्लिस क्लबले नजर राखिराखेका छन् ।