मंगलबार, २९ साउन, २०७५
OnlineKhabar.com
Suzuki

जिमेल एपमा नयाँ फिचर, सवालजवाफ पढ्न सजिलो हुने

Suzuki
अनलाइनखबर


विश्वका करोडौँ मानिसहरु इमेल आदानप्रदानका लागि जिमेलको प्रयोग गर्दछन् । व्यक्तिगत प्रयोगकर्ता मात्र नभई ठूला ठूला कम्पनीहरुले पनि जिमेललाई आधिकारिक इमेलको रुपमा प्रयोग गर्ने गरेका छन् ।

जिमेलमा इमेल आदानप्रदान हुँदा र सवाल जवाफ हुँदै जाँदा एउटा लामो थ्रेड बन्दछ । यसलाई कन्भर्सेसन भ्यू फिचर भनिन्छ । यसरी एउटै विषयवस्तुमा भएका सवाल जवाफका इमेलहरु एउटै शिरामा जोडिँदै जान्छन् । कुनै विषयवस्तुमा लामो इमेल सवालजवाफ भएको र धेरै व्यक्तिहरुले सहभागिता जनाएको अवस्थामा एउटै थ्रेडमा गाँसिने ती इमेल संवादहरु लाई इनबक्समा स्क्रल गरेर कुनै निश्चित इमेल संवाद खोज्नका लागि कहिलेकाहीँ निकै कठीन हुन्छ । अझ मोबाइलमा एपबाट जिमेल चलाइरहेको अवस्थामा यो अप्ठेरो झनै बढ्दछ ।

यहीँ अप्ठेरोलाई समाधान गर्नका लागि गुगलले यस्ता इमेल थ्रेडलाई टुक्राउने फिचर सुरु गरेको छ । अब एन्ड्रोइड तथा आइओएसका जिमेल प्रयोगकर्ताले जिमेलको Conversation फिचरलाई निस्क्रिय पार्न सक्नेछन् । इमेल थ्रेड्सलाई डिसेबल गरी हरेक इमेललाई छुट्टाछुट्टै रुपमा इनबक्समा उतार्ने यो फिचरलाई गुगलले मोबाइल प्रयोगकर्ताका लागि समेत उपलब्ध गराएको छ ।

वेब भर्सनको सेटिंग्स मेनूमा पहिले देखि नै उपलब्ध रहेको कन्भर्सेसन फिचरलाई टर्न अफ गर्ने यो सुविधालाई प्रयोगर्ताले एन्ड्रोइड तथा आइओएस जिमेल एपमा पनि प्रयोग गर्न सक्नेछन् ।

गुगलका अनुसार वेब सेटिंग्सलाई नै एन्ड्रोइड र आइओएसमा आबद्ध गरिएको छ । यदि तपाइँ वेबमा conversation view  लाई टर्न अफ गर्नुभयो भने जिमेलको एन्ड्रोइड तथा आइओएस एपमा पनि यो निस्क्रिय हुनेछ ।

कन्भर्सेसन फिचर बन्द भएसँगै प्रयोगकर्ताको इमेल थ्रेडमा आउने इमेलहरु इनबक्समा अलग आइकनका साथ देखिनेछन् । यस्ता इमेलहरु वाँणजस्तो आइकनका साथ देखा पर्दछन् ।

गुगलका अनुसार एन्ड्रोइड तथा आइओएस प्रयोगकर्ताका लागि चरणबद्ध रुपमा यो फिचर उपलब्ध गराइँदैछ । आगामी १५ दिनभित्रमा सबै प्रयोगकर्ताले यो फिचर प्रयोग गर्न पाउने गुगलले जनाएको छ ।

एजेन्सी

२०७५ साउन २४ गते ११:२६ मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this