बुधबार, ३० साउन, २०७५
OnlineKhabar.com
Suzuki

५ मेगावाटको बेलतारा सोलार आयोजनाको पीपीए

Suzuki
अनलाइनखबर

२४ साउन, काठमाडौं ।  नेपाल विद्युत प्राधिकरणले ५ मेगावाटको बेलतारा सोलार आयोजनाको विद्युत खरिद सम्झौता (पीपीए) गरेको छ। ऊर्जा, जलस्रोत तथा सिँचाई मन्त्रालयले तयार गरेको ‘ग्रिड कनेक्टेड सौर्य विद्युत विकास सम्बन्धि कार्यविधि २०७४’ अनुसार तनहुँमा निर्माण हुने आयोजनाको प्रतियुनिट ७.३० रुपैयाँमा पीपीए गरिएको हो।

मन्त्रालयको कार्यविधि कार्यान्वयन भएपछि प्राधिकरणले पहिलो पटक निजी क्षेत्रले निर्माण गर्ने सोलार आयोजनाको पिपिए गरेको हो। पीपीएमा प्राधिकरणका कार्यकारी निर्देशक कुलमान घिसिङ र सोलार फार्म प्रालिका प्रबन्धक तिलबहादुर आलेले हस्ताक्षर गरे।

शुक्लागण्डकी नगरपालिकास्थित क्याम्पसको जग्गामा निर्माण हुने सोलार आयोजनामा वेलायतमा बसोबास गर्ने नेपालीले स्थापना गरेको ‘ नेपाल कर्पाेरेटिभ इन्भेष्मेन्ट समूह’ को लगानी रहेको आलेले बताए । उनका अनुसार ६० करोड रुपैयाँ लागतमा २०७६ साउनभित्र सोलार आयोजना पूरा गरी राष्ट्रिय प्रणालीमा जडान गरिनेछ ।

विद्युत विकास विभागबाट उत्पादन अनुमति पत्र लिई आगामी भदौदेखि सौर्य सोलार प्रणाली जडान प्रक्रिया सुरु गरिने पनि उनले बताए । याे साेलार अायाेजनाकाे ‘विन्ड पावर नेपाल’ले अध्ययन पूरा गरेकाे हाे । सरकारले आगामी १० वर्षभित्र सोलारबाट ९ सय मेगावाट विद्युत उत्पादनको लक्ष्य राखेको छ ।

मिश्रित ऊर्जा विकास गर्ने उद्देश्यअनुसार सोलार ऊर्जालाई पनि प्राथमिकतामा राखेर पिपिए सुरु गरिएको हो । पिपिए प्रक्रियामा रहेका ३१ मेगावाटका ३ सोलार आयोजनाको पनि चाँडै पीपीए हुने प्राधिकरणले जनाएको छ । धनुषा, दाङ र कैलालीमा निर्माण हुने साेलार अायाेजना पिपिए हुने लाइनमा छन् ।

२०७५ साउन २४ गते १९:१३ मा प्रकाशित
Grace
Grace

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

यसमा तपाइको मत




फेसबुकबाट तपाईको प्रतिक्रिया

Also you may like this