Comments Add Comment

बार्सिलोनाले कोटिन्होलाई दियो ७ नम्बर जर्सी

२४ साउन, काठमाडौं । बार्सिलोनाका ब्राजिलियन मिडफिल्डर फिलिप कोटिन्हो आउँदो सिजन ७ नम्बर जर्सीमा देखिने भएका छन् ।

गएको सिजन जनवरीमा लिभरपुलबाट बार्सिलोना आएका कोटिन्हो १४ नम्बर जर्सीमा खेलेका थिए । रसिया विश्वकपमा ब्रजिलियन टिमबाट उनी ११ नम्बर जर्सीमा खेलेका थिए ।

गएको सिजन बार्सिलोनाबाट उनले २२ खेलमा १० गोल गरेका थिए । गएको सिजन ला लिगा र कोपा डेल रे को उपाधि जितेको बार्सिलोनाले आउँदो सिजनका लागि अट्याकिङ मिडफिल्डर कोटिन्होलाई नयाँ जिम्मेवारी पनि दिने देखिन्छ ।

बार्सिलोनाले फ्रेन्च स्ट्राइकर एन्टोनी गि्रजम्यानलाई ल्याउन खोजिरहेकाले नम्बर ७ जर्सी बचाएर राखेको थियो । गि्रजम्यान ल्याउन नसकेपछि बार्सिलोनाले कोटिन्होलाई जर्सी सँगै नयाँ जिम्मेवारी थपेको हो ।

यसले रियल मडि्रडमा मनोवैज्ञानिक प्रभाव पार्न खोजेको रुपमा पनि फुटबल पण्डितहरुले ब्याख्या गरिरहेका छन् । रियलका ७ नम्बर स्टार स्ट्राइकर क्रिष्टियानो रोनाल्डो युभेन्टस गएपछि उनको स्थानमा नयाँ खेलाडी ल्याउन सकेको छैन ।

बार्सिलोनामा यसअघि कसले लगाए ७ नम्बर जर्सी ? (१९९५/९६ को सिजन पछि)

लुइस फिगो (१९९५-२०००)

एल्फन्सो पेरेज (२०००-२००१)

जेभियर साभिओला (२००१-२००४)

हेनरिक लार्सन (२००४-२००६)

इडर गुडजोन्सेन (२००६-२०१०)

डेभिड भिला (२०१०-२०१३)

पेड्रो रोडि्रग्वेज (२०१३-२०१५)

एड्रा टुरान (२०१५-२०१८)

यो खबर पढेर तपाईलाई कस्तो महसुस भयो ?

ट्रेन्डिङ

Advertisment