८ भदौ, काठमाडौं । नेपाली कांग्रेसका सभापति शेरबहादुर देउवाले कञ्चनपुरमा प्रहरीको गोलीबाट एक बालकको मृत्यु भएकोमा दुःख व्यक्त गरेका छन् ।
उनले ट्वीटरमा प्रधानमन्त्री केपी शर्मा ओलीलाई मेन्सन गर्दै छटनाको छानविन गर्न माग गरेका छन् । लगातार तीन ट्वीट गरेका उनले भनेका छन्, निर्मला पन्तको बलात्कार-हत्याको अनुसन्धानमा सन्देश जनाउने जनतामाथि गोली बर्साउने कार्यको म भत्सर्ना गर्छु ।’
निर्मलाको परिवारलाई सुरक्षा दिन, नयाँ शिराबाट विश्वसनीय अनुसन्धान सुरु गर्न र छोरी चोलीको सुरक्षा गर्ने कदम चाल्न माग गरेका छन् ।
कञ्चनपुरमा आज प्रहरीको गोली लागी एक बालकको मृत्यु भएको घटनाले म ज्यादै दुःखी छु 😪 । मृतक बालकको परिवारप्रति गहिरो सहानुभूति प्रकट गर्दछु ।
साथै, प्रम @kpsharmaoli सँग तत्काल कञ्चनपुर घटनाको छानबिन गर्न माग गर्दछु । 1/3
— Sher Bahadur Deuba (@DeubaSherbdr) August 24, 2018
कांग्रेस प्रवक्ता विश्वप्रकाश शर्माले पनि हलो सरकारलार्इ मेन्सन गर्दै चार प्रश्न उठाएका छन्।
@Hello_Sarkar काठमाडौमा संकल्प प्रस्ताव कंचनपुरमा गोलि ?
१,अनुसन्धाननै प्रश्नको घेरामा l
२,नक्कली दोषी खडा गर्ने `अपराध´ l
३,अराजनैतिक अभिव्यक्तिले आगोमा घिउ l
४,गोलि लागेर चौध बर्षे बालकको जीवन समाप्ती lमाइक्रोफोनमा होइन मैदानमा भेटिनु पर्यो सरकार ! pic.twitter.com/QTDEVpHQ7F
— Bishwa Prakash शर्मा (@bishwaprakash77) August 24, 2018