१४ भदौ, काठमाडौं । प्रधानमन्त्री केपी शर्मा ओली र बंगलादेशकी प्रधानमन्त्री शेख हसिनाबीच भेटवार्ता भएको छ । होटल सोल्टीमा केहीबेर अघि ओली र हसिनाबीच भेटवार्ता भएको हो ।
भेटमा दुई पक्षीय हितका विषयमा कुराकानी भएको प्रधानमन्त्रीको सचिवालयले जनाएको छ ।
हसिना बिम्स्टेकको चौथो शीखर सम्मेलनमा सहभागी हुन बिहीबार बिहान काठमाडौं आएकी थिइन् । बिमस्टेकका सबै सदस्य राष्ट्रका सरकार तथा राष्ट्र प्रमुखहरु काठमाडौं आइसकेका छन् ।
बिम्स्टेक सम्मेलनको उदघाटन प्रधानमन्त्री ओलीले बिहीबार दिउँसो तीन बजे होटल सोल्टीमा गर्ने छन् ।
त्यसअघि बिम्स्टेक सम्मेलनमा सहभागी हुन आएका सबै सदस्य राष्ट्रका सरकार तथा राष्ट्रप्रमुखहरुले राष्ट्रपति, प्रधानमन्त्री लगायतलाई भेट्ने कार्यक्रम छ ।
