१४ भदौ, काठमाडौं । अफगानिस्तान र आयरल्याण्डबीचको तीन खेलको एकदिवसीय श्रृङ्खला अन्तिम खेलअघि बराबरीमा पुगेको छ ।
पहिलो खेलमा पराजित आयरल्याण्डले दोस्रोमा जित निकालेसँगै एक/एकको बराबरी भएको हो ।
बुधबार आयरल्याण्डको बेलफास्टमा टस जितेर ब्याटिङ रोजेको अफगानिस्तानले निर्धारित ५० ओभरमा ९ विकेट जाँदा १ सय ८२ रन बनाएको थियो । जवाफी ब्याटिङ गरेको आयरल्याण्डले ४३ ओभर ५ बलमा लक्ष्य पूरा गरेको हो ।
यसअघि आयरल्याण्डलाई दुई टी ट्वान्टीमा हराएको अफगानिस्तानले पहिलो एकदिवसीय २९ रनले जितेको थियो । अब अन्तिम एकदिवसीय शुक्रबार हुनेछ ।
