आधुनिक गायन क्षेत्रमा चर्चित मानिएका गायक हेमन्त शर्माको आवाजमा समावेश ‘बरिखा’ बोलको गीतको म्यूजिक भिडियो रिलिज भएको छ ।
विशेषगरि, नेपाली शैलीको गीत गाउन माहिर मानिएका हेमन्तले यसपटक पनि आफ्नो शैलीलाई छाडेका छैनन् । यो गीतमा हेमन्त शर्माकै शब्द तथा संगीत छ । गीतको भिडियोलाई राहुल शाहले निर्देशन गरेका हुन् । पवन सुस्लिङको छायांकन रहेको यो भिडियोलाई रोचक शैलीमा तयार पारिएको छ ।
भिडियोमा मोडलहरु सारा सिर्पाली, एलिसा राई, अलिसा शर्मा, सुनिल क्षेत्री र भिमफेदी गाइजलाई फिचरिङ गरिएको छ । गीतको भिडियोमा एक पात्रले अर्को पात्रलाई मन पराएको कथा बुनिएको छ ।
