७ असोज, अछाम । नेपाल कम्युनिस्ट पार्टी (नेकपा) का तल्ला कमिटीहरुको एकीकरण केन्द्रले टुंग्याउन नसकिरहेका बेला अछामको एक गाउँपालिकाले एकता टुंग्याएको छ ।
नेकपाको चौरपाटी गाउँपालिकाले ७ वटै वडाको नेतृत्व चयन गरेको हो ।
गाउँपालिका संयोजकमा रामबहादुर आउजीको संयोजकत्वमा ९ सदस्यीय कमिटी गठन गरेको छ । आउजी तत्कालीन एमालेका हुन् ।
वडा तहमा भने संयोजक र सचिवको भागबण्डा गरिएको छ । चौरपाटी गाउँपालिका वडा नम्बर १ र २ दुईको नेतृत्व तत्कालीन एमाले सम्बद्धले पाएका छन् भने वडा नम्बर ३ देखि ७ सम्मको नेतृत्व तत्कालीन एमाले आबद्धले पाएको संयोजक आउजीले जानकारी दिए ।
नेकपाका कार्यकर्ता तथा शुभेच्छुकहरुमा पछिल्लो गत्यावरोधले अन्योलता आएपछि जिम्मेवारी तोकिएको संयोजक आउजी बताउँछन् ।
भेलाले असोज १७ सम्म पार्टी शुद्धीकरणदेखि जनताका माग गाउँपालिका सरकारमा लैजानेसम्मका निर्णय गरेको छ ।
