नायिका प्रियंका कार्कीको मुख्य भूमिका रहेको चलचित्र ‘कथा काठमाण्डु’ आजबाट रिलिज भएको छ । चलचित्र रिलिज हुँदै गर्दा नायिका कार्कीले आफ्नो मनमा उत्सकुता, उत्साह र डरवाला भावना पैदा भएको बताएकी छिन् ।
उनले भनेकी छिन्-‘चलचित्र क्षेत्रमा काम गरेको यतिका बर्ष भइसक्दा पनि नयाँ चलचित्र रिलिज हुँदाको त्यो उत्सकुता, उत्साह र एक किसिमको डरवाला भावना कहिल्यै नजाने रहेछ ।’
यो चलचित्रमा आफूहरुले चाहेर पनि वा नचाहेर पनि बोल्न नसेकका बिषयहरुलाई उठान गरेको उनको भनाई छ । संगीता श्रेष्ठको निर्देशन र विजय राइको लगानीमा तयार भएको चलचित्रमा प्रियंकाको साथमा आयुष्मान देशराज जोशी, सन्ध्या केसी, प्रमोद अग्रहरि, प्रेक्षा अधिकारी, संजोग कोइराला लगायतका कलाकारको मुख्य भूमिका छ ।
