२६ असोज, काठमाडौं । चितवन सौराहाका बालक प्रिन्स सिलवालले दशैंबारे गाएके नयाँ गीत बजारमा आएको छ ।
सिलवालले दशैंलाई लक्षित गरेर आफ्नो नयाँ गीत “दशै मनाउने हो” बजारमा ल्याएका हुन् । गीतमा रमेश पाठकको शब्द र नरेन्द्र वियोगीले संगीत संयोजन रहेको छ ।
प्रिन्सलाई बालिका दिप्सी भट्टले स्वरमा साथ दिएकी छन् । गीतको भिडियो भने बुद्ध लामाले निर्देशन गरेका हुन् ।
उक्त गीतको भिडियो काठमाडौंको स्वयम्भु र फुटुङ आसपास छायांकन गरिएको थियो । भिडियोलाई दिपेन्द्र भट्टले खिचेका हुन् । दशैंका बेला बालबालिकामा देखिने खुसी र उमंगलाई म्यूजिक भिडियोमा सुन्दर ढंगले प्रस्तुत गरिएको छ ।
हेर्नुहोस् भिडियो
