२६ असोज, जनकपुर । धनुषामा प्रहरीले जुवाको खालबाट ३ जनालाई पेस्तोलसहित पक्राउ गरेको छ ।
जनकपुर उपमहानगरपालिका १९ मा जुवा खेलिरहेको सूचनाको आधारमा पुगेको प्रहरीले जुवाको खालबाट एक पेस्तोल र त्यसमा प्रयोग हुने एक राउण्ड गोली सहित तीनजना युवकलाई पक्राउ गरेको हो ।
पक्राउ पर्नेमा जनकपुर उपमहानगरपालिका १९ बस्ने ऋषिकेशप्रसाद साह, औरही गाउँपालिका ६ का रामचन्द्र दास र आशिक मण्डल रहेका छन् ।
प्रहरी पुग्दा भागाभाग हुने क्रममा तीनैजना पक्राउ पर्न सफल भएको र उनीहरुको साथबाट एकथान नलकटुवा पेस्तोल, एक राउण्ड गोली र दुईथान मोवाइल बरामद गरेको जिल्ला प्रहरी कार्यालय धनुषाले जनाएको छ ।
पक्राउ परेकाहरुका माथि थप अनुसन्धान भइरहेको डिएसपी दीपेन्द्र शाहीले जानकारी दिए ।
