३० असोज, कैलाली । सोमबार साँझ डुंगा दुर्घटनामा बेपत्ता भएकोहरुको अहिलेसम्म कुनै पत्तो लाग्न सकेको छैन ।
कैलालीको मोहन्याल गाउँपालिका-७ पितमारीमा रहेको कर्णाली नदीमा डुंगा पल्टदा पाँच मध्ये दुईजना बेपत्ता भएका थिए भने तीनजना पौडिएर बाँचेका छन् । उनीहरु दशैं दिवा मनाउन कर्णाली नदी किनारमा पुगेका थिए ।
वेपत्ता हुनेहरुमा जोशीपुर गाउँपालिका-६ का २३ वर्षीय पुरुषोत्तम चौधरी, सोही गाउँपालिका २ का २२ वर्षीय समिर बडेला रहेको प्रहरीले जानकारी दिएको छ ।
बर्दगोरिया गाउँपालिका वौनियाका दुसान्त हमाल (३२ वर्ष), चक्र विडारी (२२) र डुंगा चालक मोहन्याल गाउँपालिका ७ का प्रकाश विष्ट भने पौडिएर बाँचेको प्रहरीले बताएको छ ।
इलाका प्रहरी कार्यालय चिसापानीका प्रमुख प्रहरी निरीक्षक दिपेन्द्र केसीका अनुसार उनीहरु चढेको डुंगा अनियन्त्रित भइ पल्टिएको थियो ।
वेपत्ताको खोजीका लागि स्थानीय गोताखोर, टीकापुरबाट गएको सशस्त्र प्रहरीको टोली, इलाका प्रहरी कार्यालय चिसापानीको टिम र आफन्तहरु विहानैदेखि खटिएको प्रहरी निरीक्षक केसीले जानकारी दिए ।
पानी अत्याधिक चिसो भएका कारण गोताखोरहरु डुंगा दुर्घटामा भएको स्थानमा पानी मुनी जान सकिरहेका छैनन् । घाम लागेपछि मात्रै पानी भित्र गएर खोज्ने प्रहरीले जनाएको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4