९ सप्तरी, कात्तिक । निजी विद्यालयको बसले ठक्कर दिंदा सप्तरीको रुपनी गाउँपालिकामा एकजना बालकको मृत्यु भएको छ ।
राजविराज-रुपनी सडक खण्डस्थित रुपनी गाउँपालिकाको पाँच किलोमिटर भन्ने ठाउँमा कंकालनी एकेडेमी बोर्डिङ् स्कुलको ना३ख ७३९० नम्बरको बसबाट राजविराज नगरपालिका-८ का ६ वर्षीय शिवमकुमार यादवको मृत्यु भएको हो । उपचारका क्रममा गजेन्द्रनारायण सिंह सगरमाथा अञ्चल अस्पतालमा उनको मृत्यु भएको प्रहरीले जानकारी दिएको छ ।
आमासँगै रहेका ६ वर्षीय बालकलाई बाटो काट्ने क्रममा बसले ठक्कर दिएको प्रहरीले जनाएको छ । आमासँगै राजविराजबाट आफ्नो पुरानो घर जाने क्रममा शिबम र उनकी आमा पाँच किलोमिटरमा म्याजिकबाट झरेका थिए ।
छोराको मृत्युपछि बेहोस भएकी आमाको राजविराजस्थित गजेन्द्रनारायण सिंह सगरमाथा अञ्चल अस्पतालमा उपचार भइरहेको छ ।
मृतक बालकको शवलाई परीक्षणका लागि यही अस्पतालमा राखिएको जिल्ला प्रहरी कार्यालयले जनाएको छ । ठक्कर दिने बसलाई प्रहरीले नियन्त्रणमा लिएपनि चालक फरार रहेकाले खोजी भइरहेको प्रहरीको भनाइ छ ।
घटनालगत्तै बस छाडेर चालक फरार भएपछि स्थानीयहरुले केही बेर राजविराज-रुपनी सडक खण्डमा चक्काजाम गरेका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Luxurious House on sale at Ochu Height, Imadol")
.jpg "Apartment for rent in Grande Tower")
.jpg "House for sale at Tikathali")
प्रतिक्रिया 4