१२ कात्तिक, काठमाडौं । दशकअघिदेखि जर्मन चान्सलर रहेकी एंगेला मर्केलले २०२१ मा पद छाड्ने भएकी छन् ।
साथै उनले अर्को महिना क्रिष्टियन डेमोक्रेटिक पार्टीको अध्यक्षको चुनाव पनि नलड्ने भएकी छन् ।
पार्टी नेतृत्वसँग छलफलपछि मार्केलले भनेकी छन्, ‘मेरो कार्यकाल सकिएपछि कुनै राजनीतिक पदको खोजी गर्दिनँ ।’
उनी २००० देखि सीडीयूको अध्यक्ष छिन् भने २००५ देखि जर्मन चान्सलर छिन् ।
उनको उत्तराधिकारीका रुपमा आनाग्रेट क्राम्प कगानबावालाई हेरिएको छ । सीडीयूकी महासचिव रहेकी उनले सोमबार मात्र उम्मेदवारी घोषणा गरेकी छन् ।