११ मंसिर, दाङ । प्रहरीले ६६ लाख रकम हिनामिना गरेको आरोपमा सहकारीका एक व्यवस्थापकलाई दाङबाट पक्रेको छ ।
राप्ती गाउँपालिका–५, सिसहनियाँस्थित प्रभात बचत तथा ऋण सहकारी संस्था लिमिटेडकी संस्थापक व्यवस्थापक रमिता चौधरीलाई प्रहरीले गएराति रकम हिनामिना आरोपमा पक्राउ गरेको हो ।
इलाका प्रहरी कार्यालय भालुवाङको टोलीले भालुवाङ बजारबाट उनलाई पक्राउ गरेको हो।
पक्राउ परेकी चौधरीलाई अहिले इलाका प्रहरी कार्यालयको हिरासतमा राखिएको छ । उनका श्रीमान् सन्तकुमार चौधरी फरार छन् ।
यसअघि उक्त सहकारीकै रकम हिनामिना गरेको अभियोगमा पत्रकार सन्तोषकुमार गुप्ता कारागार चलान भइसकेका छन् ।
