नायिका जसिता गुरुङको चलचित्र क्षेत्रमा प्रवेशसँगै उनको चर्चा राम्रो छ । पहिलो चलचित्रमा अभिनय गरेसँगै उनलाई अबको आशालाग्दी नायिकाको रुपमा हेर्न थालिएको छ । जसिताले अभिनय गरेको चलचित्र ‘लिलिबिली’ बक्स अफिसमा औषत रहेपनि यो चर्चामा रह्यो । यसले जसितालाई चलचित्र क्षेत्रमा हाई डिमाण्डेड नायिकाको रुपमा परिचित गरायो । 
उनै जसिता दोश्रो चलचित्र ‘लभ स्टेशन’मा काम गर्दैछिन् । यो चलचित्रमा पनि उनको जोडी प्रदिप नै छन् । काठमाण्डौमा आयोजित एक अवार्ड समारोहमा जसिताको पहिरन आकर्षक थियो । त्यसमा पनि उनको सुन्दरताले धेरैलाई मोहित नै बनायो । जसिताले अवार्डमा ‘उत्कृष्ट नव–नायिका’को अवार्ड जितिन् ।
तस्वीरः शंकर गिरी
