गायक अविनास घिसिङको लाइसेन्सको ठेक्का (डम्फू) बोलको गीत सार्वजनिक भएको छ । युट्युबमार्फत सार्वजनिक गरिएको उक्त गीतमा अविनाशसँगै गायिका मुना पाख्रिनले स्वर भरेकी छन् । गीतमा शब्द तथा संगीत अविनास र मुनाले रचेका हुन् । भरत सिटौलाको निर्देशनमा तयार भएको गीतको भिडियोमा अविनास र मान्सी लामाले अभिनय गरेका छन् ।
राजिव समरको नृत्य निर्देशित भिडियो अनिल के. मानन्धरले छायांकन र सुप्रिम पराजुलीले सम्पदान गरेका हुन् । घिसिङको यसअघि ‘कलकत्ते काँइयो’ रिमिक्स गीत चर्चित बनेको थियो । गीतलाई छोटो समयमै दर्शक स्रोताले रुचाएको गायक घिसिङको भनाइ छ ।
