२०७५ मंसिर २६ गते ६:०७ 
२६ मंसिर, काठमाडौं । फ्रेन्च क्लब पेरिस सेन्ट जर्मेन (पीएसजी) च्याम्पियन्स लिगको अन्तिम १६ मा प्रवेश गरेको छ ।
मंगलबार राति भएको खेलमा रेड स्टार बेलग्राडलाई ४–१ गोलअन्तरले पराजित गर्दै पीएसजी समूह सी को विजेता बन्दै प्रिक्वारटफाइनलमा प्रवेश गरेको हो । पीएसजीको जितमा इडिन्सन काभनी, नेयमार, केलियन एमबाप्पे र माक्र्युन्होसले गोल गरे । यता, रेड स्टारका लागि मार्को गोबेल्जिकले गोल गरेका थिए ।
खेलको ९ मिनेटमा नै काभनीले गोल गर्दै पीएसजीलाई अग्रता दिलाएका थिए । खेलको ४० औं मिनेटमा नेयमारले गोल गरेपछि पीएसजी पहिलो हाफसम्म २–० गोलले अघि रहेको थियो । खेलको ५६औं मिनेटमा गोबेल्जिकले गोल गर्दै रेड स्टारलाई २–१ गोलको स्थितिमा पु¥याएका थिए । तर खेलको ७४औं मिनेटमा माक्र्युन्होस र खेलको अतिरिक्त समयमा एम्बाप्पेले गोल गर्दै पीएसजीलाई ४–१ गोलको जित दिलाए ।
जितसँगै समूह सी को विजेता बन्दै पीएसजी प्रिक्वारटफाइनलमा प्रवेश गरेको हो । ६ खेलबाट ११ अंक बनाउँदै पीएसजी शीर्ष स्थानमा रहेको हो । त्यस्तै, लिभरपुलले नेपोलीलाई पराजित गर्दै समूह सी को दोस्रो स्थानमा रहंदै प्रिक्वाटरफाइनलमा स्थान बनाएको छ ।
प्रतिक्रिया 4