१५ पुस, काठमाडौं । साताको पहिलो दिन सेयर बजारमा दोहोरो अंकको गिरावट देखिएको छ । आइतबार सेयर बजार १० दशमलव ६२ अंकले ओरालो लागेको हो ।
१०.६२ अंकले ओरालो लाग्दा नेप्से परिसूचक १ हजार २ सय ४ दशमलव ५४ मा आइपुगेको छ । परिसूचकसँगै कारोबार रकममा समेत गिरावट देखिएको छ ।
दिनभर भएका ५ हजार ४ सय १३ कारोबारबाट विभिन्न कम्पनीका १२ लाख ३६ हजार ३ सय ६४ कित्ता सेयर किनबेच भएका छन् ।
जसअनुसार ४५ करोड ४२ लाख ८४ हजार ३ सय ९३ रुपैयाँको कारोबार भएको नेपाल स्टक एक्सचेञ्जले जनाएको छ ।
इतबार कारोबारमा आएका समूहमध्ये होटल, निर्जीवन र उत्पादन समूह बढेका छन् भने अन्य समूहमा गिरावट आएको छ ।
अघिल्लो साता एक अर्ब नजिक कारोबार रकम पुगेको थियो भने नेप्से परीसूचकमा पनि सुधार देखिएको थियो ।
यो साता भने पहिलो दिन नै परिसूचक ओरालो र कारोबार रकम पनि उल्लेखीय हुन सकेन ।