२० पुस, नवलपरासी । बर्दघाट नगरपालिका-४ लक्ष्मीनगर निवासी २१ वर्षीया कमला चौधरीलाई श्रीमानले हत्या गरेकोको खुलेको छ ।
घाँसदाउरा गएकोबेला हराएकी भन्दै कमलाका श्रीमान सुनिल चौधरीले प्रहरीलाई खोजीका लागि उजुरी दिएका थिए ।
घटनाको अनुसन्धान गर्दै जाँदा सुनिलले नै हत्या गरेको खुलेको जिल्ला प्रहरी कार्यालय नवलपरासी बर्दघाट सुस्ता पूर्वका प्रहरी नावय उपरीक्षक (डीएसपी) वीरेन्द्र थापाले जानकारी दिए ।
गत पुस ४ गते घाँस-दाउरा लिन जानेक्रममा क्रममा घरायसी विवादका कारण सुनिलले जंगलमै श्रीमतीको हत्या गरेको प्रारम्भिक अनुसन्धानबाट खुलेको सूचना अधिकारी समेत रहेका डीएसपी थापाले बताए ।
सुनिललाई प्रहरीले नियन्त्रणमा लिएको छ । सुनिललाई प्रहरीले कर्तव्य जान मुद्दा अन्तरगत मुद्दा दायर गरी थप अनुसन्धान सुरु गरेको छ ।
कमलाको शव बुधबार बर्दघाटको चिसापानी जंगलमा फेला परेको थियो । प्रहरीले घटना शंकास्पद लागेपछि अनुसन्धान थालेको थियो ।
