१८ माघ, काठमाडौं । प्रहरीले चोरीमा संलग्न १२४ जनालाई पक्राउ गरेको छ । गत १५ गतेदेखि विशेष अभियान सञ्चालन गरेको प्रहरीले तीन दिनै १२४ जनालाई पक्राउ गरी सार्वजनिक गरेको हो ।
काठमाडौंमा बिभिन्न स्थानमा चोरीका घटना भएको सूचनाको आधारमा महानगरीय प्रहरी परिसर र महानगरीय अपराध अनुसन्धान शाखाले संयुक्तरुपमा अभियान चलाएर रंगेहात र अनुसन्धानका क्रममा उनीहरुलाई पक्राउ गरेको हो ।
पक्राउ परेका मध्ये तीन महिला र २१ पुरुषलाई पूर्पक्षका लागि जेल चलान गरिएको प्रहरीले जानकारी दिएका छ ।
यस्तै दुईमहिला र १८ जना धरौटीमा छुटेका छन् भने ८३ जनाबारे अनुसन्धान भइरहेको प्रहरीको भनाइ छ ।
