बंगलादेशविरुद्ध न्युजिल्यान्ड बलियो, दुई खेलाडीको शतक

१७ फागुन, काठमाडौं । बंगलादेशविरुद्धको पहिलो टेष्टमा घरेलु टोली न्युजिल्यान्डले पहिलो पारीमै उच्च स्कोर बनाएको छ ।

दोस्रो दिनको समाप्तिसम्म न्युजिल्यान्डले बंगलादेशविरुद्ध चार विकेटको क्षतिमा ४५१ रन बनाएको छ । न्युजिल्यान्ड बंगलादेशभन्दा २१७ रनले अघि रहेको छ ।

न्युजिल्यान्डका लागि दुई खेलाडीले शतक बनाए । ओपनर टोम लाथमले १६१ र जित राभलले १३२ रन बनाए । त्यस्तै, कप्तान केन विलियम्सन ९३ रनमा अविजित छन् । त्यस्तै, हेनरी निकोलसले ५३ रन बनाए ।

बलिङतर्फ बंगलादेशका सौम्य सरकारले दुई विकेट लिए । न्युजिल्यान्डले यही स्थितिबाट तेस्रो दिन ब्याटिङ थाल्नेछ ।

टस हारेर पहिले ब्याटिङ गरेको न्युजिल्यान्डले पहिलो दिन सबै विकेटको क्षतिमा २३४ रन बनाएको थियो । बंगलादेशका लागि तमिम इक्बलले शतकसहित १२६ रन बनाए पनि अन्य ब्याट्सम्यान सस्तैमा समेटिएका थिए । बलिङतर्फ न्युजिल्यान्डका नेइल वाग्नरले पाँच विकेट लिए ।