२४ फागुन, काठमाडौं । नेपाल वैदेशिक रोजगार व्यवसायीसंघका अध्यक्ष रोहन गुरुङको घरमा आगलागी भएको छ । विष्फोटपछि भएको आगलागीले घरमा क्षति पुगेको छ ।
राजधानीको बसुन्धरास्थित गुरुङको घरमा शुक्रबार साँझ विष्फोट भएर आगलागी भएको हो । ग्यास सिलिण्डर वा बम नै विष्फोट भएको हो भन्नेबारे प्रहरीले केही बताएको छैन । ग्यास सिलिण्डर विष्फोट भएर आगलागी भएको प्रारम्भिक अनुमान छ ।
घरको पहिलो तलामा भएको आगलागीमा परी पार्किङको गाडी पनि जलेको छ । विष्फोटमा परेर गुरुङको घरमा डेरा गरी बस्ने मणीराम पौडेल घाइते भएका छन् ।
