२६ फागुन, काठमाडौं । नेपाल स्टक एक्सचेञ्ज लिमिटेड (नेप्से) ले वोमी लघुवित्त वित्तीय संस्थाको सेयर कारोबार रोक्का गरेको छ । संस्थाकै आग्रहमा आज आइतबारदेखि सेयर कारोबार रोक्का गरिएको नेप्सेले जनाएको छ ।
नेप्सेका अनुसार वोमी लघुवित्तले आइतबार आफू अर्को लघुवित्त वित्तीय संस्थासँग मर्जरमा जान लागेको भन्दै सेयर कारोबार रोक्का गर्न आग्रह गरेपछि कारोबार रोकिएको हो । नागरिक लघुवित्त वित्तीय संस्थासँग मर्जरमा जाने वोमीले निर्णयसमेत गरेको छ ।
दुई संस्थाहरु एक आपसमा गाभिन समझदारी पत्रमा हस्ताक्षरसमेत भइसकेको वोमी माइक्रोफाइनान्सका प्रमुख कार्यकारी अधिकृत प्रमेश आचार्यले बताए ।
