२१ चैत, काठमाडौं । रामपुर कृषि तथा वन विज्ञान विश्वविद्यालयका कृषि संकायका प्रशासनिक सहायक डिन तथा प्राध्यापक विष्णुराज ओझामाथि विद्यार्थीले दुर्व्यवहार गरेका छन् ।
झारा टार्ने तरिकाले पढाएर कोर्स चाँडै सकेको भन्दै उनीहरुले दुर्व्यवहार गरेका हुन् । ३० दिनमा सकाउनुपर्ने कोर्स चार दिनमै २–२ घन्टाका दरले पढाएर ८ लेक्चरमा सकाएको विद्यार्थीको आरोप छ ।
आक्रोशित विद्यार्थीको समुहले ओझालाई कालोमोसो दल्नुको साथै जुत्ताको माला लगाएका थिए । प्रशासनलाई ओझाको विषयमा ध्यानाकर्षण गराउँदा पनि सुनवाई नभएपछि ‘कारवाही’ गरेको एक विद्यार्थीले बताए ।