२६ चैत, काठमाडाैं । माछापुच्छ्रे बैंकले मोरङको टंकिसिनवारी, नुवाकोटको त्रिशुली र रसुवाको टिमुरेमा नयाँ शाखा सञ्चालनमा ल्याएको छ ।
टंकिसिनवारी शाखाको उद्घाटन विराट मेडिकल कलेजका अध्यक्ष डा. ज्ञानेन्द्रमान सिंह कार्कीले गरे । त्यसै गरी त्रिशुली शाखाको उद्घाटन विदुर नगरपालिकाका मेयर सञ्जु पण्डितले र टिमुरे शाखाको उद्घाटन रसुवाका प्रमुख भन्सार अधिकृत पुण्यविक्रम खड्काले गरे ।
शाखा मार्फत बैंकले कर्जा, निक्षेप लगायतका सम्पूर्ण बैकिङ सुबिधा उपलब्ध गराउने जनाएको छ।बैंकका नयाँ शाखाहरुमा एटिएमको पनि व्यवस्था छ ।
बैकले सातै प्रदेशमा आफ्ना ९९ शाखा र ७६ शाखा रहित बैकिङ्ग सेवा समेत गरी जम्मा १७५ स्थानवाट बैंकिङ कारोबार गर्दैआएको छ ।
